Nga koronavirusi, numri i vdekjeve shkon në 132 persona

Raportet e fundit treegojnë se rastet e koronavirusit të konfirmuara dje ishin 1.459, më pak se 2.077 të regjistruara të hënën, që tregojnë një fillim të mundshëm të ngadalësimit të infeksionit

Është bërë e ditur se koronavirusi i Wuhan deri më tani ka shkaktuar 132 vdekje, ku rastet e dyshuara arritën në 9,239. 103 persona e kaluan infeksionin pas shtrimit në spital. Në të ashtuquajturën Kina e Madhe, ku përfshihen Hong Kongun, Macao dhe Tajvan, rastet e konfirmuara janë afër 6.000, përcjell albinfo.ch.

Vlen të theksohet se numri tani tejkalon atë të Sarsit në 2002-2003, i cili kishte ndaluar, sipas statistikave zyrtare, në 5.327 (por me 349 vdekje).

Ndërkohë, riatdhesimet e para fillojnë nga Wuhan: dyqind japonezë u nisën për në Tokio në një fluturim çarter të përgatitur nga autoritetet japoneze në marrëveshje me Pekinin, dhe një çarter tjetër i rregulluar nga Departamenti Amerikan i Shtetit solli në shtëpi grupin e parë të qytetarëve amerikanë, të cilët do të strehohen në një bazë ajrore rezervë në Kaliforni për karantinë.

---