Shqipëria

Një 25-vjeçare mbytet në kanionet e Holtës në Shqipëri

Policia e Shqipërisë njofton se është gjetur trupi  i pajetë i një vajze 25-vjeçare, e mbytur në Kanionin e Holtës në Gramsh.
Trupi i saj u gjet i vdekur në dalje të kanionit. Në vendngjarje kanë shkuar edhe forcat speciale, RENEA. Ndërsa po ashtu kanë shkuar edhe MZSH dhe Emergjencat Civile.
Policia thekson se viktima nga Lushnja është gjetur në dalje të kanionit dhe dyshohet se ajo është mbytur në lumë si rrjedhojë e reshjeve të dendura të shiut, transmeton albinfo.ch.
25-vjeçarja ishte pjesë e një grupi turistësh që u bllokuan në kanionet e Holtës nga rritja e papritur e prurjeve të lumit.
Ekipet e shpëtimit shpëtuan fillisht katër fëmijë, më pas një djalë 20 vjeç dhe një burrë 50 vjeç.