OBSH raporton numrin më të lartë të të infektuarve brenda ditës

Organizata Botërore e Shëndetësisë ka njoftuar se gjatë 24 orëve të fundit janë regjistruar rreth 106 mijë raste me COVID-19, sëmundja që shkaktohet nga koronavirusi i ri.

Kjo është shifra më e lartë e të infektuarve, që është regjistruar brenda një dite, tha agjencia e OKB-së.

Zyrtarët saj shprehën shqetësim për situatën e pandemisë në vendet e varfra.

“Na pret një rrugë e gjatë përballjeje me këtë pandemi”, tha drejtori i përgjithshëm i OBSH-së Tedros Adhanom Ghebreyesus.

Sipas tij, dy të tretat e këtyre rasteve janë regjistruar në katër vende, përcjell albinfo.ch.

Sipas Worldwide, më shumë se 5 milion raste të infeksionit koronavirus janë raportuar në të gjithë botën deri më tani, dhe 326,000 njerëz kanë vdekur nga covidase-19.