Të tjera

Pablo Pato e shfrytëzon stallën e bagëtive edhe për sport

Pasi ruan lopët tërë ditën, Pablo Pato heq sanën nga dyshemeja dhe mesin e stallës e shndërron në një hapësirë manovrimi me rollerë. 

Në fshatin malor Llanuces, në veri të Spanjës, Pato me rollerët ngjyrë të verdhë, kërcen mbi parmakun për ushqim të lopëve, që për 33-vjeçarin janë një audiencë e mirë. 

“Lopët janë shikuesit. Ato gjithmonë më përkrahin, kurrë nuk më kanë vërshëllyer”, thotë Pato me shaka. 

Pasi kryen punët e zakonshme të shtëpisë, Pato me nja tre shokë të tjerë, merr pjesë në garat me rollerë, ama aty ka njerëzit si audiencë, ndërsa stallën e shfrytëzon vetëm për praktikë. 

“Krejt dita është me punë, kohën e lirë e shfrytëzoj duke bërë atë që dua. Kam bërë shumë sporte dhe asgjë nuk është e pamundur, njeriu mund të bëjë gjithçka”, ka thënë ai.