Lajme

Paralajmërohet krizë ekonomike në Kosovë: 1 miliard euro humbje

Kosova mund të përballet me një katastrofë ekonomike. Në verzionin më të keq, ajo do të ketë tkurrje ekonomike 8.8 përqind sipas Bankës Botërore, raporton albinfo.ch.

Kreu i Odës Ekonomike të Kosovës, Berat Rukiqi, ka paralajmëruar se deri në fund të këtij viti në Kosovë mund të humben mbi 30 mijë vende pune, ndërkohë që deri më tani dëmi monetar i shkaktuar nga pandemia ka shkuar në 1 miliard dollarë.

“- 8.8 % tkurrje ekonomike, e paralajmëruar në raportin e fundit të Bankës Botërore për Kosovën.

– 1 miliard euro dëmi i deritashëm në ekonomi.

– Deri në fund të vitit, me këtë trend të tkurrjes ekonomike, mund t’i humbim mbi 30, 000 vende të punës.

Të vetmit të paprekur nga kjo krize në ekonomi po mbesin ata që marrin vendim dhe familjarët e tyre të punësuar, gjithandej në institucionet publike“, ka shkruar në rrjetin e tij social kreu i OEK-ut, Berat Rukiqi.