Lajme

Parlamenti nis hetimet rreth përpjekjes për shantazh ndaj ministrit Berset

Nën-komisionet e komisionit të auditimit të bizneseve janë duke punuar me autoritetin mbikëqyrës për të ekzaminuar Zyrën e Prokurorit Federal për të përcaktuar nëse procedurat penale të mbyllura kundër gruas e cila kishte shantazhuar ministrin Berset kanë plotësuar standardet e zakonshme, shrkuan srf.ch.

Siç kanë publikuar mediat, në vitin 2019, një grua kishte bërë përpjekje që përmes dokumenteve private të shantazhonte ministrin Alain Berset, transmeton albinfo.ch. Prandaj, pas mbylljes së rastit nga prokuroria, duhet të shqyrtohet nëse për shkak të pozitës së viktimës (ministrit në fjalë) prokuroria ka vepruar në mënyrë të papërshtatshme.

Përpjekje shantazhi me gjykim përfundimtar

Në nëntor të vitit 2020, gazeta “Weltwoche” pati bërë publike se në shtator të po atij viti prokurori federal kishte dënuar një grua me gjobë me kusht për tentativë shantazhi ndaj Bersetit. Aktgjykimi është përfundimtar. Berset më pas kishte deklaruar se bëhej fjalë për një “çështje private” që ishte zgjidhur.

Ajo që dihet është se gruaja ka tentuar të shantazhojë Bersetin me dokumente private, përcjell albinfo.ch. Ministri Federal pati ushtruar një kallëzim penal kundër saj. Sipas urdhrit penal, gruaja në fjalë i ka kërkuar fillimisht Bersetit “të paguajë një borxh të papaguar prej 100 mijë frangash”, por pastaj ishte tërhequr nga kjo kërkesë.


LAJME INTERESANTE NGA INTERNETI