Kosova
PDK-ja dhe AAK-ja bojkotojnë adresimin vjetor të Osmanit para deputetëve
Bëhet e ditur se Partia Demokratike e Kosovës dhe Aleanca për Ardhmërinë e Kosovës do ta bojkotojë seancën e sotme të Kuvendit, ku Presidentja Vjosa Osmani do të bëjë adresimin e saj vjetor para deputetëve, përcjell albinfo.ch.
Se AAK-ja nuk do të marrë pjesë në seancë, e ka konfirmuar për Gazetën Express deputeti Pal Lekaj.
“Nuk do të marrim pjesë në adresimin e Presidentes”, ka thënë Lekaj.
Ndërkohë, burime të Express bëjnë me dije se as PDK-ja s’do të marrë pjesë në këtë seancë.
“Arsyeja e mospjesëmarrjes së deputetëve të PDK-së në fjalimin vjetor të Presidentes Osmani është se ajo nuk është treguar presidente e unifikimit të institucioneve dhe popullit, siç e parasheh Kushtetuta, por ka vazhduar t’u shërbejë vetëm interesave të kryeministrit Albin Kurti, duke heshtur në vazhdimësi ndaj shkeljeve kushtetuese dhe padrejtsive që po u bëhen qytetarëve”, ka thënë ky burim.
Lidhja Demokratike e Kosovës nuk e ka konfirmuar ende pjesëmarrjen.
Adresimi vjetor i Presidentes ishte bojkotuar edhe vitin e kaluar nga AAK-ja dhe PDK-ja.
Seanca ku Osmani pritet t’u adresohet deputetëve pritet të nisë në orën 11:00.
E-Diaspora
-
Prokuroria zvicerane kërkon 16 vjet burg për Arditin që vrau gruan e tij, Besimen Ardit S. mbyti gruan e tij, Besimen...
-
Me plis e me flamur kombëtar, preshevari diplomon në SHBA
-
Familjarët e Sadik Durakut, në kërkim të informacioneve kur ka kaluar gati një muaj në paraburgim në Serbi
-
Dy filma shqiptarë në Festivalin Ndërkombëtarë të Filmit në Gjenevë
-
Liverpuli kërkon mbrojtësin shqiptar që luan në Gjermani
Jeta në Zvicër
-
Zvicra kryeson Evropën në përdorimin e Inteligjencës Artificiale (AI) nga punëtorët Gati një e treta (32 për qind) e punonjësve në Zvicër raportojnë se përdorin AI në...
-
Prokuroria zvicerane kërkon 16 vjet burg për Arditin që vrau gruan e tij, Besimen
-
Primet shëndetësore pritet të rriten sërish vitin e ardhshëm
-
Dënohet vreshtari, pasi punëtori iu lëndua në punë
-
Politikani francez bën thirrje për marrëveshje të re përfitimi për punëtorët ndërkufitarë