Përfundon protesta e serbëve për dinarin në Mitrovicë të Veriut

Në Mitrovicë të Veriut sot, nga ora 12:00, është zhvilluar protesta e serbëve për të kundërshtuar Rregulloren e Bankës Qendrore të Kosovës, transmeton albinfo.ch.

Në krye të protestuesve janë parë zyrtarë të Listës Serbe, teksa protestohej nën pankartat: “Evropë, hapi sytë”, “Pa ndihma sociale, nuk do të kemi as bukë për të ngrënë”, “Pensionin që e kam fituar tërë jetën, nuk e jap për Kurtin”.

Kryetarja e pensionistëve ka bërë thirrje që të dëgjohet apeli i tyre për ndërprerje të vendimit, pasi u shpreh se vetëm në këtë mënyrë mund të marrin paga në banka dhe posta dhe të mund të jetojnë si të gjitha shtetet normale.