Lajme
Pfizer takohet me Qeverinë amerikane mbi dozën e tretë të vaksinës
Kompania Pfizer njoftoi se ka në plan të takohet të hënën me zyrtarë të lartë amerikanë të shëndetësisë për të diskutuar rreth kërkesës së saj për marrjen e një autorizimi federal për injektimin e një doze të tretë të vaksinës kundër COVID-19.
Ky zhvillim vjen ndërsa këshilltari kryesor i Presidentit Joe Biden për çështje të shëndetësisë pranoi se është “plotësisht e llogjikshme dhe mbase e mundshme” që një doze e tillë të jetë e nevojshme.
Kompania tha se të hënën ishte planifikuar të zhvillohej një takim me Administratën e Ushqimit dhe Barnave (FDA) e zyrtarë të tjerë. Disa ditë më parë Pfizer-i pohoi se dozat e tretë do të duhej të merrej brenda 12 muajsh.
Dr. Mikael Dolsten, përfaqësues i kësaj kompanie, i tha agjencisë së lajmeve “Associated Press” javën e kaluar se të dhënat e hershme nga një studim i kompanisë sugjerojnë se nivelet e antitrupave tek njerëzit shtohen nga pesë në 10-fish pas marrjes së një doze të tretë, krahasuar me dozën e dytë të marrë muaj më parë, provë që besohet se mbështet nevojën për një dozë përforcuese.
Të dielën, Dr. Anthony Fauci nuk e përjashtoi mundësinë, por tha se ishte shumë shpejt që qeveria të rekomandonte një dozë tjetër.
Ai tha se Qendrat për Kontrollin dhe Parandalimin e Sëmundjeve (CDC) dhe Administrata e Ushqimit dhe Barnave (FDA) bënë gjënë e duhur javën e kaluar duke mos u pajtuar me pohimin e Pfizer-it dhe duke thënë me deklaratën e tyre se “në këtë kohë” ato nuk e shohin si të nevojshme dozën e tretë.
Zoti Fauci tha se studimet klinike dhe të dhënat laboratorike ende nuk e kanë vërtetuar plotësisht nevojën për një dozë përforcuese në regjimin me dy doza të vaksinës së Pfizer-it dhe Moderna-s apo asaj me një dozë të firmës Johnson & Johnson.
Ai tha se ishte mjaft e mundur që në muajt e ardhshëm “me shtimin e të dhënave”, qeveria të nxisë nevojën për një dozë përforcuese, bazuar në faktorë të tillë si mosha apo sëmundjet kronike e probleme të tjera shëndetësore.
“Sigurisht që është plotësisht e mundshme, ndoshta ka të ngjarë në një moment, të kemi nevojë për një dozë përforcuese“, tha zoti Fauci.
Takimi i planifikuar i së hënës mes Pfizer-it dhe zyrtarëve amerikanë të shëndetësisë u njoftua fillimisht nga gazeta “The Washington Post”./VOA
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Procedura e shpejt e azilit zbatohet në katër nga gjashtë qendrat federale Procedura ekspres, e cila parashikon përpunimin e kërkesave për azil brenda 24 orëve për aplikantët e...
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h
-
AAK – dega në Zvicër zgjedh strukturat drejtuese