Lajme

Tani Messenger tregon nëse dikush e bën ‘screenshot’ bisedën tuaj

Kujdes, tani do të njoftoheni nëse bëni “screenshot”.

Nganjëherë një mesazh mund të jetë thjesht spontan – diçka që doni ta thoni një moment pa u brengosur se do të qëndrojë aty. Kjo duket të jetë arsyeja pse Messenger ka prezantuar sot edhe për përdoruesit në Kosovë, mënyrën e zhdukjes së mesazheve.

Si funksionon? Shumë thjesht – mesazhet zhduken pasi i shihni dhe dilni nga biseda. Për ta aktivizuar këtë funksion, thjesht hyni në një bisedë, rrëshqisni lart dhe ja, keni aktivizuar metodën e zhdukjes, shkruan Lajmi.net.

Për ta deaktivizuar këtë funksion, thjesht rrëshqisni përsëri lart dhe do të ktheheni në bisedë të rregullt. Kjo është e tëra! Përveç kësaj, Messenger tani ju njofton nëse dikush e ka bërë “screenshot” bisedën.

Në “Vanish Mode” në rast se ndonjë përdorues përpiqet të bëjë ‘screenshot’ të ndonjë bisede, atëherë përdoruesi tjetër do të njoftohet menjëherë.

Kjo është një veçori e marrë nga Snapchat.