Muzikë
Prejardhja apo origjina? Asnjëra prej tyre, ato janë vërtet shqiptare
Me siguri e keni vënë re se si shumica e gazetarëve apo mediave tona i prezantojnë Rita Orën, Dua Lipën dhe Bebe Rexhën. ‘Dua Lipa, këngëtarja me prejardhje (nganjëherë përdoret fjala origjinë) shqiptare’. Njësoj edhe me rastin e Ritës dhe Bebes.
O ju gazetarë e ju media, këto tri këngëtare nuk kanë prejardhje e as origjinë shqiptare por JANË shqiptare. Komplet shqiptare janë. Me nanë e me babë, gjyshe e babgjysh. Madje, këto insistojnë se janë shqiptare. Edhe simbolikisht, nga fakti që nuk i kanë ndërruar as emrat e as mbiemrat. Këtu nuk kemi të bëjmë me ndërrim të prejardhjes. Vajzat nuk e kanë ndërruar përkatësinë vetëm për shkak se këndojnë anglisht dhe jetojnë në vende ku flitet po kjo gjuhë.
Njeriu ka prejardhje (origjinë) shqiptare kur më nuk është shqiptar. Kur në proces ka ndodhur asimilimi/transformimi: kur Ilirët janë shndërruar në shqiptarë. Ta zëmë, në rastet individuale kur dikush gjyshërit dhe gjyshet i ka pasur e shqiptarë e prindërit jo (njerin prind e më vonë të dytë). Nga kjo, edhe pasardhësi nuk është shqiptar, por ka origjinë shqiptare. Por, ky nuk është rasti me këto tri këngëtare.
Nëse dëshironi të jeni më korrekt, mund t’i prezantoni, dy të parat, si shqiptaro-britanike, kurse të tretën si shqiptaro-amerikane. Është fjala te shtetësia e dyfishtë, se aty humb vegëza e kuptimit. Njeriu mund të ketë shumë shtetësi, por përkatësia etnike-kombëtare nuk ndryshon.
Edhe ju që po i vëni maskat e po e mbuloni veç gojën e hundët po i leni jashtë, hiç më të mirë se këta gazetarë nuk jeni. Gjysmën e punës as ju nuk e keni të qartë.
Opinion: Daut Dauti
E-Diaspora
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman Autorja prezanton në bibliotekën "Pestalozi", në Cyrih romanin e saj të sapobotuar "Die Töchter des...
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
-
Mërgimtari humb jetën në vendin e punës, në Maltë
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
Jeta në Zvicër
-
Zviceranët duan të ulin kostot e kujdesit shëndetësor Mbështetësit e UDC janë të vetmit që shprehen kundër modifikimit të ligjit federal për energjinë dhe...
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën
-
Bazel: Dënohet me burgim të përjetshëm shqiptari për vrasjen e dyfishtë