Integrimi
Prend Berisha, pjesë e Asamblesë së qytetit Wil
Berisha vjen në këtë pozitë pasi që paraardhësja e tij nga kjo parti (CVP), Christa Grämiger në mbledhjen e fundit kishte dhënë dorëheqje nga asambleja
Prend Berisha, 26-vjeçari nga qyteti Wil i Kantonit St. Gallen, duke filluar nga sot është pjesë e Asamblesë së Qytetit të tij. Ai këtu i përfaqëson zgjedhësit e CVP-së, (Partisë së Krishterë Popullore), shkruan albinfo.ch. Berisha vjen në këtë pozitë pasi që paraardhësja e tij nga kjo parti, Christa Grämiger, në mbledhjen e fundit kishte hequr dorë nga Asambleja.
Duke qenë se Grämiger kishte qenë anëtare e komisionit për punë kadastrale, Prend Berisha e merr edhe këtë funksion pas dorëheqjes së saj.
Prend Berisha, edhe pse është ndër më të rinjtë në këtë asamble, nuk është i papërvojë në politikë. Ai, në vitin 2015 kishte kandiduar për një vend në Parlamentin Nacional të Zvicrës, ku, natyrisht, nuk kishte mundur të zgjidhej.
Politikani i ri Berisha, me rrënjë nga Kosova, ka mbaruar maturën profesionale në drejtimin komercial. Ai e sheh të ardhmen e tij, krahas profesionit, edhe në politikë.
Që nga rinia e hershme ka shfaqur interesim për jetën publike. Ai ka thënë se në CVP ka parë vendin e duhur për pikëpamjet e tij politike, shkruan albinfo.ch. Berisha ka përmendur forcimin e familjes, sigurinë dhe përfshirjen e të rinjve në politikë, si temat ku është më shumë i fokusuar.
Berisha shprehet se e ndien veten më së miri në CVP, në radhë të parë për arsyen se ajo është parti e qendrës dhe si e tillë, ajo nuk polarizon. “Unë mund të bashkëpunoj si me të gjelbrit liberalë, ashtu dhe me SP-në ose SVP”, ka thënë veç tjerash në një prezantim të tij sot në gazetën Tagblatt.
Të kujtojmë: Në Asamblenë e Qytetit Wil është prej tashmë disa mandatesh anëtar edhe shqiptari tjetër nga ky qytet, politikani tashmë i njohur, Arbër Bullakaj, i cili përfaqëson Partinë Socialdemokrate (SP).
E-Diaspora
-
Iu gjet drogë në shtëpi, arrestohet shqiptari në këtë shtet Raportohet se një 48-vjeçar shqiptar është arrestuar nga policia italiane për drogë, përcjell albinfo.ch. Sipas mediave...
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane