Pritjet në pikat kufitare: Mbi katër orë në Merdarë

@pixabay

Qendra Kombëtare për Menaxhim Kufitar e cila operon në kuadër të Ministrisë së Punëve të Brendshme të Kosovës, në përditësimin e fundit të të dhënave ka bërë të ditur se në dalje të Kosovës janë regjistruar pritje të gjata në disa prej pikave kufitare, transmeton albinfo.ch.

Pritjet më të gjata janë regjistruar në dalje të Kosovës në Merdarë, ku kolona është 1200 metra ndërsa pritjet shkojnë mbi katër orë (240-250 minuta).

Te Dheu i Bardhë pritjet shkojnë deri në 50 minuta, ndërsa në Jarinje dhe Muçibabë deri në 40 minuta.

Në hyrje të Kosovës pritje janë regjistruar në pikën kufitare në Jarinje – deri në një orë dhe te Dheu i Bardhë deri në 20 minuta.