Produktet e falsifikuara, shqetësim për Bashkimin Evropian

Tregtia e produkteve të falsifikuara dhe kopjeve po shkakton gjithnjë e më shumë probleme për bizneset e vogla dhe të mesme, sipas një mbikëqyrësi të Bashkimit Evropian.

Shkeljet e të drejtave të pronësisë intelektuale zvogëlojnë shanset e mbijetesës së bizneseve të vogla dhe të mesme me 34%, sipas një studimi të botuar sot nga Zyra e Pronësisë Intelektuale të BE (EUIPO) dhe Organizata për Bashkëpunim Ekonomik dhe Zhvillim (OECD).

“Këto kompani shpesh u mungon kapaciteti për të ndërmarrë veprime kundër falsifikuesve dhe mund të shkatërrohen nga humbja e shitjeve, dëmtimi i reputacionit dhe humbja e avantazhit konkurrues”, sipas studimit, transmeton dpa, përcjell albinfo.ch.

Furnizuesit e makinerive elektrike dhe elektronike, veshjeve dhe produkteve të modës, produkteve të parfumerisë dhe kozmetikës, si dhe lodrave dhe lojërave janë më të prekurit. Shumica e këtyre mallrave të falsifikuara vijnë kryesisht me postë nga Kina dhe Hong Kongu.

“Këto produkte të falsifikuara shpesh janë inferiore dhe paraqesin rrezik për shëndetin dhe sigurinë e konsumatorit”, paralajmëroi agjencia e BE-së.

Rreth 15% e kompanive të vogla dhe të mesme që zotërojnë të drejta të pronësisë intelektuale kanë pësuar shkelje deri në 20% për kompanitë më inovative.

Një numër i konsiderueshëm rastesh nuk raportohen, ku 40% të kompanive të vogla dhe të mesme që nuk monitorojnë tregjet për falsifikimet e produkteve u mungon kapaciteti për ta bërë këtë.

 

---