Maqedonia
Prokuroria është përgjuar që nga viti 2013
Prokuroria Publike e Republikës së Maqedonisë pohon se është e mundur që bisedat e linjave telefonike fikse në institucion të jenë regjistruar para datës 30 shtator 2016.
Ka indikacione që tregojnë se regjistrimi ka zgjatur nga prokurimi dhe instalimi i pajisjeve, domethënë nga viti 2013. Në këtë drejtim, po kontrollohet nëse bisedat e regjistruara janë fshirë ose transferuar në një pajisje tjetër. ” theksoi Elizabeta Nedanovska – zëdhënëse e Prokurorisë Publike të Republikës së Maqedonisë
Derisa është e qartë se prokuroria ka një bazë të madhe bisedash të regjistruara pa dijeninë e prokurorëve, gjasat janë të vogla të ketë numër të madh bisedimesh nga Gjykata Themelore e Shkupit, ku gjithashtu u zbulua opsioni për regjistrimin në centralin e ri telefonik, shkruan AlsatM, përcjell Albinfo.ch.
Arsyeja është se pajisja atje është instaluar vetëm në ndërtesën e re të gjykatës penale. Në atë ndërtesë tani ka filluar të hyjnë një pjesë e të punësuarve dhe gjyqtarëve, dhe vetëm në kohët e fundit ka filluar mbajtja e seancave gjyqësore.
Kryetari i gjykatës nuk deshi të zbulojë detaje shkaku i fshehtësisë së procedurës, por thotë se privatësia e komunikimeve në gjykatë aktualisht nuk është e kërcënuar.
Pasi gjykata mësoi për ekzistencën e një centrali të tillë, i cili lejon regjistrimin e bisedimeve, janë kryer kontrolle. Në këtë kuptim, unë mund të garantoj se bisedat e gjyqtarëve dhe punonjësve të tjerë që nga momenti i zbulimit të rastit nuk janë regjistruar. Për periudhën e mëparshme, do të konstatojë hetimi. – tha Ivan Xholev- Kryetar i Gjykatës Themelore Shkup 1- Shkup, shkruan AlsatM, përcjell Albinfo.ch.
Alsat-M ka kontrolluar të dhënat që janë publikisht në dispozicion, për atë kur dhe prej cilit janë blerë centralet telefonike. Ai në Gjykatën Penale u prokurua nga Ministria e Drejtësisë, pasi dikasteri qeveritar ishte përgjegjës për ndërtimin e ndërtesës së re të Gjykatës Penale. Marrëveshja u nënshkrua më 9 dhjetor 2016, kur Ministër ishte Valdet Xhaferi nga BDI-ja.
Si shitës, paraqitet “Vista Grup”, një kompani, që mediat dhe LSDM-ja e atëhershme opozitare, e lidhnin me zyrtarë të VMRO-DPMNE-së. Kontrata për centralin telefonik në Prokurorinë Publike është lidhur më 10 dhjetor 2013 dhe e ka blerë vetë institucioni. Prokurori publik i Republikës së Maqedonisë në atë moment ishte Marko Zvërlevski dhe kompania që fitoi tenderin është Makpetrol, e cila përveç me derivate të naftës punon edhe me shitjen e pajisjeve elektronike. Prokuroria shton se po heton nëse centralet e blera telefonike fillimisht kanë pasur mundësi të regjistrojnë dhe nëse ka pasur një kërkesë të tillë në dokumentet e tenderit. Nuk përjashtohet mundësia që funksioni i regjistrimit të jetë shtuar më vonë dhe aktualisht nuk është e njohur për publikun se kush ka pasur qasje te ato informacione.
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën