Literaturë
Promovohet libri i Bujar Dërvishajt: “Mëso dhe shpjego thjesht lojën e volejbollit”
Të pranishëm në këtë solemnitet rasti ishin shumë personalitete të shquara të sportit nga Kosova, Shqipëria dhe Maqedonia Veriore
Mes shumë emocionesh e lotësh, dje, në Bibliotekën Kombëtare “Pjetër Bogdani” në Prishtinë u bë promovimi i librit “Mëso dhe shpjego thjesht lojën e volejbollit”, të autorit Bujar Dërvishaj.
Të pranishëm në këtë solemnitet rasti ishin shumë personalitete të shquara të sportit nga Kosova, Shqipëria dhe Maqedonia Veriore, ndër të cilët edhe ish-përzgjedhësi i kombëtares shqiptare, Ylli Tomorri dhe ish-volejbollisti i shquar shqiptar i “Shkëndijës” së Tetovës dhe i përfaqësueses së Maqedonisë Veriore, Pëllumb Vela.
Në cilësinë e drejtuesit të ceremonisë së promovimit të librit kësaj radhe u paraqit volejbollisti më i mirë shqiptar, Gazmend Husaj, ndërkaq për librin, vlerat dhe misionin e tij foli gazetari Xhavit Kajtazi.
“Fjalën time në këtë ceremoni rasti e kam quajtur ‘Tri rrëfime për një promovim; rrëfimi i parë – Si e njoha Bujarin; i dyti – Udhëtimi me shpejtësi drite dhe, i treti – Dy shekuj volejboll”, tha Kajtazi, i cili ka qenë edhe trajneri i parë i autorit të librit, përcjell albinfo.ch.
Para të pranishmëve foli edhe autori i librit, Bujar Dërvishaj, i cili i përshkuar nga emocionet shpalosi punën që ka bërë që nga fillimi e deri në finalizimin e veprës së tij, që pas dy vjetësh të kemi një botim të veçantë dhe shum të dobishëm për trajnerët e volejbollit.
“Ju falënderoj të gjithëve që morët mundin të vini në këtë promovim. Puna që kam bërë unë, po shpresoj se do të jetë e dobishme për gjithë komunitetin e volejbollit”, tha Dërvishaj.
Të ngjashme
Të tjera nga Literaturë
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane