Lajme

Pse tani është koha për të blerë një makinë elektrike në Zvicër

Një ligj i ri zviceran për emetimet e dioksidit të karbonit do të thotë që importet e automjeteve elektrike ka të ngjarë të rriten në vitin 2021, përcjell albinfo.ch

Shitjet e automjeteve tradicionale në Zvicër ranë me 24 përqind në vitin 2020, sipas shoqatës së importuesve të makinave Auto-Suisse.

Në të njëjtën kohë, numri i automjeteve elektrike të shitura në vend u rrit me 48 përqind. Shpenzimet e ulëta të konsumit të shkaktuara nga pandemia e koronavirusit janë vetëm një arsye për këtë situatë.

Një tjetër është kufiri i emisioneve të dioksidit të karbonit (CO2) i futur në Zvicër vitin e kaluar. Ligji tani kërkon që emetimet mesatare për makinë të re të reduktohen nga 130 gram në 95 gram, duke detyruar markat konvencionale të hyjnë në treg me automjete të reja, më të pastra. Kjo mund t’i bëjë disa modele konvencionale makinash deri në 10,000 franga më të shtrenjta në Zvicër, ndërsa automjetet elektrike mund të bëhen më të lira nën kufizimet e reja.

Ndërsa, vetëm disa vjet më parë automjetet elektrike ishin një gjë e rrallë në rrugët zvicerane, tani “konkurrenca në tregun elektrik po rritet, me ardhjen e 20 modeleve të reja vitin e kaluar. Zgjedhja tani po zgjerohet në rreth 50 modele të disponueshme në Zvicër ”, tha François Launaz, presidenti i Auto-Suisse. E-makina më e njohur deri tani është Tesla Model 3, me mbi 5,000 të shitura në Zvicër në vitin 2020, përcjell tutje albinfo.ch


LAJME INTERESANTE NGA INTERNETI