Lajme

Qeveria në mbledhjen e saj emergjente nuk mori masa shtesë

Ajo ka arsyetuar vendimin me faktin se mungojnë informacione të besueshme lidhur me çështjen qendrore, atë të ngarkesës në repartet e terapisë intensive

Edhe pas konferencës së jashtëzakonshme të së premtes, Këshilli Federal nuk ka marrë asnjë masë të mëtejshme për luftimin e koronës.

Sipas komunikatës së qeverisë, “Këshilli Federal dëshiron të ndërmarrë veprime vetëm “kur ato janë të pashmangshme”, transmeton albinfo.ch.

Hapat e ardhshëm do të mund të përfshijnë, veç tjerash, mbylljen e kompanive dhe objekteve.

Qeveria e shtetit ka arsyetuar vendimin me faktin se mungojnë informacione të besueshme lidhur me çështjen qendrore, atë të ngarkesës në repartet e terapisë intensive.

Ka shenja se infeksionet me variantin Omikron ishin më të lehta dhe se vaksinimi përforcues mbron nga një ecuri e rëndë, vijon Këshilli Federal.

Gjithashtu, efekti i masave shtrënguese të vendosura më 17 dhjetor nuk mund të vlerësohet me saktësi, sipas Këshillit Federal.

Personat që kanë marrë vaksinën përforcuese (të tretë) dhe personat, vaksinimi i dytë i të cilëve është bërë më pak se katër muaj më parë ose që janë shëruar më pak se para katër muajve, duhet të përjashtohen nga detyrimi për karantinë.

BAG ua propozon këtë kantoneve përveç shkurtimit të periudhës së karantinës.


LAJME INTERESANTE NGA INTERNETI