Qeveria për tre muaj shpenzoi 439 milionë Euro 

Sipas Agjencisë  së Statistikave të Kosovës (ASK)  totali i shpenzimeve të Qeverisë për tre muaj ishte 439 milionë Euro. 

Agjencia e Statistikave të Kosovës (ASK) së fundmi ka publikuar të dhënat për Llogaritë Qeveritare të Kosovës në bazë tremujore. Ky botim paraqet pasqyrën e të hyrave dhe shpenzimeve qeveritare brenda tremujorit të dytë (TM2) të vitit 2017. 

Shuma e përgjithshme e të hyrave të Qeverisë për TM2 2017 ishte 448.7 milionë Euro, ndërsa totali i përgjithshëm i shpenzimeve të Qeverisë ishte 439.0 milionë Euro 

Pjesën më të madhe të të hyrave e përbëjnë tatimet në prodhim, të cilat paraqesin 71% të totalit të të hyrave, ndërsa pjesa e mbetur e të hyrave është shpërndarë në kategori të tjera të të hyrave. 

Pjesën më të madhe të shpenzimeve e përbëjnë: kompensimi i punëtorëve (31%); kontributet sociale dhe përfitimet (24%); formimi i kapitalit bruto (23%); dhe konsumi i ndërmjetëm (10%). Ndërsa, pjesa e mbetur e shpenzimeve është shpërndarë në struktura të tjera.