Sport
Qytetarët kundër Lojërave Dimërore Olimpike
Banorët e qytetit kanadez Kalgari kanë votuar kundër mundësisë që ky vend të jetë nikoqir i Lojërave Olimpike Dimërore që do të mbahen në vitin 2026. Më shumë se 56 përqind e votuesve e kanë kundërshtuar këtë ide. Ky rezultat në Kalgari nënkupton që kryeqyteti i Suedisë, Stokholmi dhe qytetet italiane, Milano dhe Kortina D’Ampezzo, do të jenë qytetet e vetme që synojnë të jenë nikoqire të kësaj ngjarjeje globale, përcjell albinfo.ch.
Interesimi për organizimin e Lojërave Olimpike Dimërore dhe atyre Verore ka rënë për shkak të rritjes së shpenzimeve në aspektin përgatitor.
Komiteti Olimpik do ta publikojë emrin e nikoqirit të këtyre Lojërave në qershor të 2019-ës.
Qyteti zviceran Sion, Saporo në Japoni dhe Grazi në Austri, po ashtu janë tërhequr nga dorëzimi i ofertave këtë vit.
Votimi në Kalgari nuk ka qenë detyrues, megjithatë këshilli pritet ta respektojë këtë rezultat kur të takohet ditën e hënë. Këshilltari i këtij vendi, Sean Chu, ka thënë se rezultati ka treguar “mjaftueshëm se çfarë duhet bërë”.
Komiteti Olimpik Kanadez ka thënë se është i zhgënjyer me rezultatin, mirëpo do ta respektojë atë.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit