Bota
Qytetet evropiane ballafaqohen me nivele të larta të ndotjes së ajrit
Qytetet nëpër Evropën Jugore janë duke përjetuar nivele të larta të ndotjes së ajrit të shkaktuara nga një periudhë e zgjatur e motit të thatë me diell dhe erërave të lehta.
Ambientalistët e kanë përshkruar situatën si një “urgjencë smogu”.
Përkohësisht është ndaluar qarkullimi i automjeteve me naftë në qytetet kryesore italiane, përfshirë Romën, në përpjekje për të ulur ndotjen. Kufizimet, të cilat do të jenë në fuqi gjatë tre ditëve të ardhshme, pritet të prekin rreth një milion automjete.
Së paku nëntë nga 13 zonat në Romë që monitorojnë lëndën e grimcave – një pluhur i imët i njohur si PM10 – kanë regjistruar nivele më të larta se sa kufiri ligjor gjatë kësaj jave.
Grupet mjedisore janë ankuar se Këshilli i Qytetit të Romës ka qenë shumë i ngadaltë në ndërmarrjen e veprimeve në lidhje me rezultatet e raportuara.
Në Bosnjë e Hercegovinë protestuesit kanë dalë në rrugë në maska, duke kërkuar veprime nga qeveria.
Në Sarajevë zyrtarët e qeverisë kanë mbajtur takime urgjente për të diskutuar masat për të frenuar ndotjen.
Sarajeva është ndër qytetet që kanë regjistruar disa nga nivelet më të këqija të ndotjes së ajrit ditët e fundit, së bashku me kryeqytetet e Serbisë, Kosovës dhe Maqedonisë.
Në Serbi, ku qeveria mbajti një takim urgjent të mërkurën, banorët u paralajmëruan të qëndrojnë brenda dhe të shmangin aktivitetin fizik, veçanërisht ata me kushte shëndetësore si astma.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?