Kosova
Rama: Bashkimi Evropian po e mban peng Kosovën
“Një nga pengjet e BE-së”, argumentoi kryeministri, “është Kosova!”
“Bashkimi Evropian e ka marrë peng Kosovën. Peng është Kosova, e një loje shahu, ku një nga figurat e lojës, ka vendosur që atë ushtar ta mbajë peng”.
Ka qenë kjo deklarata e kryeministrit të Shqipërisë, Edi Rama, në një konferencë për shtyp të përbashkët me ministrin gjerman për Evropën, Michael Roth, ku ndër të tjera, lëvizja e lirë e qytetarëve shqiptarë në hapësirën e unionit ka qenë temë diskutimi.
Sipas Ramës, Bashkimi Evropian është tempulli i demokracisë dhe i politikës. Vetë politika është një lojë shahu dhe lojë pengjesh.
“Një nga pengjet e BE-së”, argumentoi kryeministri, “është Kosova!”, përcjell Albinfo.ch.
Kjo për të, jo si pasojë e një vendimi unional, por sepse kështu kërkon një nga figurat e shahut evropian.
“Shqiptarët në Kosovë nuk lëvizin më lirisht. Jo sepse kështu do gjithë Bashkimi Evropian, por sepse një nga figurat e shahut ka thënë: ‘Jo! Ai ushtari atje në diagonale nuk duhet të lëvizë’. E turpshme, por nuk ke çfarë bën”, cilësoi Rama.
Ky qëndrim i kryeministrit erdhi pasi u pyet mbi lëvizjen e shqiptarëve të vaksinuar me dozat Lindore në hapësirën e BE-së.
Për të, lëvizja e lirë e shqiptarëve është e garantuar prej vitesh dhe nuk mund të fragmentarizohet nga vaksinat.
“BE-ja s’duhet të marrë peng askënd në këtë rajon për shkak të vaksinës. Nuk ka pse paguhet testi për në BE kur ke bërë vaksinën. Nuk e kam fjalën vetëm për shqiptarët e Shqipërisë. E kam fjalën edhe maqedonasit, malazezët, boshnjakët, gjithë Ballkanin”, përmbylli kryeministri.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
S’ka para nga qeveria zvicerane për Eurovizion 2025 Ndërsa qytetet e mundshme konkurrojnë për të drejtën për të pritur Konkursin e Këngës në Eurovizion...
-
Ky fshat në Zvicër po projekton diçka të veçantë për turistët
-
Prokuroria kërkon 18 vjet burgim për autorin e vrasjes së Shqiponja Isufit
-
Të dhënat e pasagjerëve ajror duhet të jenë në gjendje të përdoren nga policia
-
Zvicër: Një burrë plagos disa persona në Zofingen