Gërvalla: Kosova e ndalon me ligj pjesëmarrjen e qytetarëve të saj në luftëra jashtë vendit

Ministrja e Punëve të Jashtme dhe Diasporës, Donika Gërvalla, me ambasadoren e Finlandës, Pia Stjernvall, kanë diskutuar për politikat në nivel ndërkombëtar dhe situatën mes Rusisë dhe Ukrainës.

Në njoftimin e MPJ-së thuhet se Gërvalla ka ritheksuar se Kosova e ndalon me ligj pjesëmarrjen e qytetarëve të saj në luftëra jashtë vendit, transmeton Albinfo.ch.

Ministrja kështu i ka demantuar akuzat e ministrit të Jashtëm rus, Sergei Lavrov, se gjoja se “Kosova dhe disa pjesë të tjera të Ballkanit Perëndimor po bëhen terren për krimin…”

Në takimin e mbajtur sot nga Gërvalla dhe Stjernvall u bisedua edhe për ngjarjet në vend.