Koronavirusi: çast pas çasti

Rriten shitjet me pakicë në Zvicër për 30%

Shifrat e publikuara së fundmi tregojnë një kërcim të përgjithshëm prej 30.2% në shitjet me pakicë në maj 2020 krahasuar me prillin 2020

Rritja e majit prej 30.2% pason rënien prej 6.5% në mars dhe 13.7% në prill.

Sidoqoftë, jo të gjithë sektorët e shitjes me pakicë pësuan të njëjtën rritje në shitjet e majit. Shitjet e ushqimit, pijeve dhe duhanit u rritën 3.4% dhe shitjet e karburanteve u rritën me 6.3% në muaj. Shitjet e veshjeve dhe këpucëve u rritën me 433,5% krahasuar me muajin prill, shkruajnë mediat zvicerane, përcjell albinfo.ch.

Shitjet e veshjeve dhe këpucëve ranë 55.4% dhe 61.0% në mars dhe prill, kështu që një rritje e pjerrët e majit (433.5%) nuk ishte e papritur.

Shitjet e ushqimit, pijeve dhe duhanit u rritën me 6.8% në mars dhe me 1.7% në prill. Rritja prej 3.4% në maj la shitjet me pakicë të këtyre produkteve në mënyrë të qëndrueshme për tre muaj, përcjell tutje albinfo.ch.

Rritja e majit (6.3%) në shitjet e karburantit nuk arriti të kompensojë shitjet e humbura në mars (-19.8%) dhe prill (-22.5%). Shitjet në internet u rritën vetëm 2.0% në maj, pasi u rritën 7.3% në mars dhe 15.6% në prill.