Shqipëria
Rritet numri i turistëve të huaj që vizitojnë Tiranën
Kryeqyteti i Shqipërisë, Tirana, po vizitohet nga një numër i madh i turistëve të huaj ditëve të fundit.
Jemi nga Skocia. Donim të vizitonim një vend të ri dhe erdhëm në Tiranë. Sa herë iu thoshim miqve tanë që do ikim në Tiranë, na thoshin: “Oh, është një vend vërtet i bukur, ndaj dhe ne erdhëm. Ne kemi disa ditë këtu dhe moti është fantastik. Tirana qenka një miksim mes ndërtesave të vjetra dhe ndërtesave moderne, mjaft interesante. Do t’ua u rekomandojmë dhe të njohurve tanë për ta vizituar”, thotë një turist, shkruan TCH.
Drejtoresha e promovimit të qytetit, Mirel Koçollari, ka thënë se që nga pjesa e shërbimeve te pjesa e kualitetit të ushqimit, të njerëzve, të guidave dhe në fakt dhe te pjesa e çmimeve, Tirana garon me kryeqytetet e tjera evropiane.
“Pa diskutim ka disa fasha çmimesh, duke filluar nga ata që janë backpackers që gjejnë hapësirën e tyre e deri tek ata që preferojnë gjera pak më shumë kualitative dhe preferojnë të shpenzojnë më shumë, kështu që unë mendoj që Tirana i ka të gjitha që çdo turistë mund të ketë mundësi të zgjedhë“, ka thënë ajo.
Tutje, ajo është shprehur se nëse më parë turistët vinin nga fundi i marsit, nga viti i kaluar situata është më ndryshe dhe për këtë arsye ka njoftuar se Tiranës do t’i shtohet dhe një tjetër pikë, ku të huajt do të mund të marrin informacione të ndryshme për qytetin.
“Ne kemi një Infopoint të Bashkisë së Tiranës, ku presim të gjithë turistët që vijnë në Tiranë dhe japim informacion për të gjitha pjesët turistike dhe atraksionet turistike të Tiranës. Jemi duke projektuar edhe një shtëpizë të vogël që do të jetë një Infopoint në sheshin “Skënderbej”, sepse është i papërballueshëm, në fakt, fluksi dhe vetëm një zyrë nuk arrin dot që t’i përballojë”, ka thënë ajo, përcjell albinfo.ch.
Vitin e kaluar Shqipëria është vizituar nga 10.1 milionë turistë.
E-Diaspora
-
Kryeministri i Kosovës sërish me thirrje për qytetarët e Kosovës dhe ata në diasporë që të regjistrohen Derisa procesi i regjistrimit të popullsisë në Kosovë ka hyrë në javën e fundit, kryeministri Albin...
-
ASK: Mbi 1.4 milionë qytetarë të regjistruar, mbi 400 mijë nga diaspora
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
Jeta në Zvicër
-
74 punonjës të Pfizer në Zug kërcënohen me largim nga puna Pasi mori përsipër specialistin e kancerit Seagen, i cili ka një degë në Zug, Pfizer zbuloi...
-
I akuzuari për tregti me drogë: “Jam eksploatuar nga bosi im në Shqipëri”
-
A mund të marr nënshtetësinë zvicerane dhe të lëviz menjëherë jashtë vendit?
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in