Lajme

Rritet sërish çmimi i gazit në Evropë

Çmimet e gazit në Evropë janë rritur përsëri të mërkurën, pasi Gjermania ka shtyrë miratimin e gazsjellësit të Rusisë, Nord Stream 2.

Rregullatori i energjisë gjermane pezulloi procesin për vënien në funksion të gazsjellësit Nord Stream 2 të martën.

Ky vendim ka shuar shpresat se gazsjellësi do të mund të jetë funksional në muajt në vijim dhe që do të mund të lehtësojë krizën me energji në Evropë, të shkaktuar nga disa faktorë, përfshirë prodhimin më të vogël sesa është pritur.

Rusia është akuzuar për bllokim të furnizimeve shtesë të gazit natyror në Evropë – përmes gazsjellësit ekzistues që kalon Ukrainën – në mënyrë që t’i bëjë presion Bashkimit Evropian për të miratuar më shpejt projektin, Nord Stream 2.

Shtetet e Bashkuara, Ukraina dhe disa vende anëtare të Bashkimit Evropian kundërshtojnë këtë projekt, duke thënë se rrezikon sigurinë energjetike në Evropë./Reuters


LAJME INTERESANTE NGA INTERNETI