Koronavirusi: çast pas çasti
Sa ndikon bllokimi në ekonomi
Evropa, me një numër më të lartë infeksionesh, po shkon më keq
Vendet shënuan nivele të larta rritje në tremujorin e tretë. PBB-ja e Amerikës u rrit me 7.4%, krahasuar me tremujorin e dytë (një normë vjetore prej 33%). Prodhimi në Eurozonë u rrit me 12.7%. Por ka pak arsye për të brohoritur.
Bllokimet për të përmbajtur virusin, kanë të ngjarë të ndalin rimëkëmbjen ekonomike që në fillimet e saj. Frikëra të tilla i ulën çmimet e naftës në nivelin më të ulët që prej pesë muajsh, më 2 nëntor.
Duke përdorur të dhënat e lëvizshmërisë nga Google, The Economist ka ndërtuar një indeks të aktivitetit ekonomik në kohë reale.
Ai tregon se rimëkëmbja e Amerikës është ndalur, pasi rastet e regjistruara të Covid-19 janë rritur sërish.
Evropa, me një numër më të lartë infeksionesh, po shkon më keq. Aktiviteti në Britani dhe Francë duket se ka arritur kulmin në shtator dhe performanca pritet të ulet, duke pasur parasysh se Britania, Franca dhe Gjermania nisën sërish masat izoluese të shkallëve të ndryshme javën e kaluar, transmeton Monitor, përcjell albinfo.ch.
Është shumë shpejt për të matur ndikimin e plotë të këtyre bllokimeve të reja në indeksin tonë. Ato duhet të jenë më pak të dëmshme se masat në fillim të vitit: për shembull, kësaj radhe, do të qëndrojnë të hapura më shumë firma prodhimi dhe ndërtimi. Gjithsesi, përvoja e vendeve që tashmë janë mbyllur, tregon se masat do të jenë të dhimbshme.
Restorantet e Irlandës u mbyllën pasi u imponua karantina më 21 tetor. Uellsi u mbyll dy ditë më vonë; indeksi ynë tregon se aktiviteti në kryeqytetin Cardiff, ka rënë me 20%. Mbështetur në marrëdhëniet e kaluara, një rënie e ngjashme në vendet europiane, do të shkaktonte uljen e PBB-së me 5% në tremujorin e katërt.
E-Diaspora
-
SH.K.A “Dardania” përfaqëson Shqipërinë e Kosovën në Festivalin në Winterthur Të njëjtën ditë me dy paraqitje, njëra në Winterthur e tjetra në Luzern! ...
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit
-
Bëhet publike agjenda e Forumit shqiptaro-zviceran në Gjenevë
Jeta në Zvicër
-
Zvicër: Veçanërisht të moshuarit kanë votuar për pensionin e 13-të Po ashtu kishte një Po të qartë mes njerëzve pa një preferencë të qartë partiake dhe...
-
Zvicër: Kostot e sistemit shëndetësor kanë arritur 91.5 miliardë franga
-
Adoleshenti kosovar, i dyshuar për ISIS, e quan veten “Bombarduesi”
-
Tifozët e Cyrihut shkaktuan 100,000 CHF dëme
-
Bazeli lufton mushkonjat