Bota
Salvini shpall kandidaturën për kryeministër të Italisë
“Kandidoj për kryeministër”, ka deklaruar gjatë ditës së sotme zëvendëskryeministri italian, Matteo Salvini, i cili si lider i Partisë Lidhja ka dorëzuar në Parlamentin italian një mocion mosbesimi ndaj kryeministrit Giuseppe Conte.
“U kërkojmë italianëve forcën ta marrim në dorë këtë vend e ta shpëtojmë. U kërkoj italianëve të më japin fuqinë e plotë për të realizuar gjëra si duhen bërë në këtë vend”, është shprehur ai, një ditë pas komunikimit zyrtar se Partia Lidhja nuk pranon më të qeverisë me aleatin 5 Yje.
Pas deklaratës së Salvinit, kryetarja e Dhomës së Senatit italian, Anna Maria Casellati, ka komunikuar se ka thirrur ditën e hënë, 12 gusht, një konferencë me kryetarët e grupeve parlamentare, ku do të vendoset se kur do të mblidhet Parlamenti për të votëbesuar kryeministrin Conte.
Salvini ka informuar gjithashtu se senatorët e Lidhjes prej ditës së hënë, 12 gusht, do të jenë çdo ditë në Parlament, përcjell Albinfo.ch.
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe