Lajme
Sanxhaku kërkon ndihmë nga Kosova e Shqipëria
Shoqata “Kosova për Sanxhakun”, përmes një komunikata për media ka alarmuar për gjendjen e rëndë në Sanxhakun lindor si pasojë e pandemisë Covid-19.
Kjo shoqatë apelon tek institucionet shëndetësore të Kosovës dhe Shqipërisë që të ndihmojnë këtë pjesë, ku jetojnë shqiptarët, shkruan albinfo.ch.
Sipas tyre, komunat më të prekura nga pandemia janë Tutini, Sjenica dhe N. Pazari, të cilat shtrihen në pjesën lindore të Sanxhakut.
Ky është apeli i shoqata “Kosova për Sanxhakun”:
“Sanxhaku lindor është në kolaps shëndetësor
Edhe pse në Sanxhak po arrijnë ndihma të konsiderueshme nga të gjitha anët, mungesa e personelit shëndetësor është problem kyç në luftë me pandeminë Covid-19.
Komunat më të rrezikuar nga pandemia Covid-19 janë Tutini, Sjenica dhe N. Pazari, të cilat shtrihen në pjesën lindore të Sanxhakut.
Andaj apelojmë të gjitha institucioneve të shteteve të Ballkanit Perëndimor, por edhe më gjerë që të bëjnë të pa mundurën që këtyre tre komunave të lartpërmendura t’iu dilet në ndihmë, sidomos me kuadro shëndetësore. Mjekët janë më se të domosdoshëm.
Shoqata “Kosova për Sanxhakun” fton Ministrinë e Shëndetësisë së Kosovës dhe Ministrinë e Shëndetësisë së Shqipërisë të ndihmojë Sanxhakun përmes Këshillit Kombëtar të Sanxhakut (Telefon: +381 20 315 608 E-mail: [email protected] ) dhe po ashtu fton Qeverinë e Kosovës dhe qeverinë e Shqipërisë që të ndajnë nga një shumë parash për këtë qëllim në ndihmë vëllezërve nga Sanxhaku”.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?