Sejdiu kërkon që Kuvendi ta nxjerrë platformën për dialogun 

Deputeti Dardan Sejdiu ka theksuar se në platformë duhet të futet pika ku deklarohet qartazi se jemi kundër ndarjes së Kosovës

Shefi i deputetëve të PSD-së, Dardan Sejdiu, në ‘Interaktiv’ të KTV-së ka thënë se me deklaratat e John Boltonit, këshilltar për Siguri Kombëtare i presidentit amerikan, Donald Trump, për pajtim në rast të ndryshimit të kufijve mes Kosovës dhe Serbisë, po bëhet e qartë që të bëhemi gati seriozisht për dialogun me Serbinë.

Ai ka thënë se për këtë arsye kërkojnë që një platformë për dialogun me Serbinë të votohet me dy të tretat në Kuvend. Sejdiu ka theksuar se në platformë duhet të futet pika ku deklarohet qartazi se jemi kundër ndarjes së Kosovës. Deputeti i PSD-së ka thënë se diskutimi për kufijtë është i papranueshëm për vendin. Ai ka bërë të ditur se u kanë dërguar ftesa LDK-së dhe VV-së për seancë të jashtëzakonshme, mirëpo nuk kanë marrë përgjigje.

Duke folur për zhvillimet e fundit, Sejdiu ka th%3. se fjalori  i kryeministrit Ramush Haradinaj është i papranueshëm. “Kryeministri nuk bën ta përdorë atë fjalor dhe kërkoj nga opozita që të bashkohemi dhe ta rrëzojmë këtë Qeveri dhe këtë kryeministër”, është shprehur Sejdiu. Sipas tij, zgjidhja e sistemit të drejtësisë është vettingu.