Lajme
Serbia e humb tregun e Kosovës
Taksa 100 për qind, por edhe fushata kundër mallrave serbe kanë ndikuar që kosovarët të mos i kenë në plan këto produkte.
Importi i mallrave nga Serbia ka rënie të madhe. Madje ky shtet nuk hyn as në 10 vendet e para prej të cilave importon Kosova.
Sipas shifrave të Doganës së Kosovës, krahasuar me vitin 2018 kur Serbia ishte vendi numër një për import në Kosovë, këtë vit ajo renditet e 12-a, raporton KTV, përcjell Albinfo.ch
Sipas Adriatik Stavilecit, Zëdhënës i Doganës, vendet në të cilat Kosova ka shënuar shifrat më të larta të importit janë Gjermania, Turqia, Kina, Maqedonia e Veriut dhe Shqipëria.
Ndërsa mallrat më të importuara gjatë kësaj periudhe janë produktet e duhanit, automjetet, industria ushqimore, si dhe materiali ndërtimor, ndërkaq ato të eksportuara janë kryesisht metalet.
Nga 229 milionë euro sa ishin vitin e kaluar për periudhën janar-gusht, këtë vit janë mbledhur 265 milionë euro ose 36 milionë euro më shumë nga eksporti.
Për shkak të pandemisë Dogana ka 100 milionë euro më pak të hyra se në periudhën e njëjtë të vitit të kaluar.
Në vitin 2018 Kosova vendosi taksë 100 për qind për mallrat serbe dhe ato të Bosnjë-Hercegovinës.
Me ardhjen e Qeverisë Kurti, nga 1 prilli u hoq taksa e u vendos masa e reciprocitetit. Tre muaj më vonë, më 6 qershor Qeveria Hoti shfuqizoi vendimin e Kurtit.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?