Lajme

Serie A: Masa serioze, kush shkel rregullat, dënohet me përjashtim

Në Serinë A po vazhdojnë prej ditësh kontrollet e inspektorëve shëndetësorë dhe federatës për respektimin e protokollit shëndetësor për parandalimin e përhapjes së koronavirusit, por FIGC ka bërë të ditur masa të ashpra për shkelësit.

Juventus dhe Sampdoria janë skuadrat e fundit që u vendosën në lenten e inspektimit dhe siguria ishte optimale, por për ata që do ta shkelin, do të ketë dënime.

Në sintezën e mbledhjes në federatën italiane të futbollit mësohet se skuadrat që nuk do të respektojnë rregullat higjienike dhe sigurinë, do të përjashtohen nga kampionati aktual. Nuk do të ketë mundësi apelimi dhe cilido ekip shkelës do të dënohet për të mos cenuar sezonin që është dëmtuar edhe kaq në masë të madhe nga pandemia.

Kampionati italian i futbollit është gati të rikthehet me kalendarin normal në 20 qershor me dyer të mbyllura për tifozët, por rikthimi i mbështetësve në impiante po shihet gjithmonë e më tepër me besim./tch