Lajme
Shalqiri ‘Made in Albania’ rangohet lart në nivel botëror
Shqipëria renditet e 29-ta në rang botëror për eksportet e shalqirit “Made in Albania”, që vitet e fundit kanë kapërcyer ndjeshëm shifrat mesatare të eksporteve që shënohen nga vende të ndryshme të botës.
Ministria e Bujqësisë dhe Zhvillimit Rural publikoi fakte mbi tregun shqiptar, ku krahas domates, kastravecit, specit, edhe shalqiri është një tjetër kulturë e radhës, mjaft e kërkuar nga tregu i huaj dhe dominon në produktet bujqësore vendase, me shifrat pozitive të prodhimit dhe të eksporteve.
Sipas statistikat zyrtare, eksportet e shalqirit në harkun e 10 vjetëve të fundit u rritën me 10. 349 tonë.
20.829 tonë shalqi u eksportuan 2010. Ndërsa në vitin 2019, eksportet e shalqirit u rritën në 31.178 tonë, shifër kjo që e rendit Shqipërinë në vendin e 29-të në rang botëror për eksportet e shalqirit.
Fakt është se gjatë këtyre 10 viteve është rritur me 60 mijë tonë prodhimi i shalqirit në vend, ndonëse është ulur sipërfaqja e tokës së mbjellë me shalqi, shkruan atsh, përcjell albinfo.ch.
Ndërsa prodhimi i shalqirit u rrit 259 207 tonë më 2019, kundrejt 199.364 tonëve më 2010.
Rritja e prodhimit të shalqinit ka sjellë përmirësim pozitiv të bilancit tregtar për këtë kulturë. Kështu importet e shalqirit janë ulur në 104 tonë në 2019 kundrejt 164 tonëve që ishin në vitin 2010.
Eksportet e shalqirit “Made in Albania” kryesojnë në tregun rajonal, Kosovë, Maqedoni, Mali i Zi, Serbi, por vitet e fundit po zgjerohet harta gjeografike edhe në vendet e BE-së, si Austri, Danimarkë etj.
Të ngjashme
Të tjera nga Lajme
E-Diaspora
-
Rama njofton për programin e veçantë për emigrantët që duan të investojnë në Shqipëri Kryeministri i Shqipërisë, Edi Rama, njoftoi sot për një program të veçantë për të gjithë emigrantët...
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
-
Osmani u drejtohet bizneseve amerikane në Teksas: Investoni në Kosovë
Jeta në Zvicër
-
A do të humbasin burrat ukrainas statusin e tyre të mbrojtjes në Zvicër? Në luftën kundër Rusisë, Ukraina po kërkon kthimin e ushtarëve të saj të rekrutuar – 11,000...
-
Zvicër: Të ardhurat rriten me çdo brez
-
Nemo kthehet në Zvicër, mirëpritet nga fansat
-
“Qeveria kantonale duhet të sjellë Eurovisionin në Cyrih”
-
Hedhja e parave nga qielli në Cyrih: Një 12-vjeçar është plagosur rëndë me sende të mprehta