Koronavirusi: çast pas çasti
SHBA, 5.6 milionë të infektuar me COVID-19
Universiteti “Johns Hopkins” njoftoi sot 23.2 milionë raste me COVID-19 në mbarë botën dhe më shumë se 804 mijë vdekje që nga fillimi i pandemisë. SHBA-ja vazhdon të jetë në krye për nga numri i infeksioneve me 5.6 milionë raste.
Por sipas zyrtarëve amerikanë të shëndetësisë, numri i infeksioneve mund të jetë 10 herë më i madh sesa është raportuar, kjo për shkak të mungesës së testimit dhe raportimit. Ndërkohë të shtunën presidenti Donald Trump akuzoi punonjësit e Administratës Amerikane të Ushqimit dhe Barnave se po punojnë për të ngadalësuar testimin e vaksinave kundër COVID-19, duke e lënë atë qëllimisht pas zgjedhjeve presidenciale të nëntorit.
Në një postim në “Twitter” zoti Trump shkruante se ngadalësimi është pasojë e të ashtuquajturit “shtet brenda shtetit”, një teori konspiracioni sipas së cilës brenda sistemit politik amerikan ka një komplot nga një qeveri e fshehur brenda qeverisë së zgjedhur në mënyrë të ligjshme. Por presidenti nuk ofroi ndonjë provë lidhur me këtë pohim të tij.
Komentet e zotit Trump pasojnë një artikull të botuar nga agjencia “Reuters” të enjten, ku thuhej se një zyrtar i lartë i Administratës së Ushqimit dhe Barnave kishte bërë të ditur se do të largohej nga detyra nëse administrata “Trump” miratonte një vaksinë përpara se ajo të shpallej e sigurt dhe efektive, shkruan voa, përcjellë albinfo.ch.
Kryetarja e Dhomës së Përfaqësuesve Nancy Pelosi u tha gazetarëve të shtunën në Kongres se presidenti Trump bëri një “deklaratë të rrezikshme” për punonjësit e kësaj agjencie dhe se sjellja e tij ishte e papranueshme.
Të ngjashme
Të tjera nga Koronavirusi: çast pas çasti
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën