Shpërthen gripi i shpendëve, ndalohet importi i tyre nga 15 shtete

Ndalohet importi i shpendëve nga Gjermania, Franca, Italia, Kroacia, Polonia, Hungaria, Holanda, Belgjika, Danimarka, Lituania, Rumania, Çekia, Sllovakia, Ukraina, si edhe nga Izraeli.

Qeveria e Shqipërisë ka ndaluar importimin e shpendëve të gjallë dhe atyre të therur apo nënprodukteve të shpendëve nga 15 vende të Evropës dhe Izraeli. Shkak, është parandalimi i influencës avariare të shpendëve, i njohur ndryshe si gripi i shpendëve.

Ky vendim është tashmë i publikuar në fletoren zyrtare.

Urdhrin për ndalimin e tyre e ka lëshuar ministrja e Bujqësisë dhe Zhvillimit Rural, Milva Ekonomi, transmeton AP, përcjell Albinfo.ch.

Vendet nga të cilat ky import, janë vende të Bashkimit Evropian dhe më gjerë në Evropë. Kështu, ndalohet importi i shpendëve nga Gjermania, Franca, Italia, Kroacia, Polonia, Hungaria, Holanda, Belgjika, Danimarka, Lituania, Rumania, Çekia, Sllovakia, Ukraina, si edhe nga Izraeli.

Ky vendim vjen pas disa sinjaleve të epidemisë së gripit të shpendëve në Evropë.

Mbi 1 mijë raste infektimi nga një virus i quajtur HPAI A(H5), është përhapur tek shpendët e egër dhe të butë në Evropë. Ky fakt, sipas Autoritetit Evropian të Sigurisë Ushqimore.

Pavarësisht faktit se një shqetësim i madh është ngritur, ekspertët evropianë pretendojnë se nuk ekziston një rrezik i lartë për përhapje të gjerë në popullatë.

 

---