Koronavirusi: çast pas çasti
Shpëtimi i turizmit, Greqia pranon turistët me pasaportën e vaksinimit
Sistemi ka nisur të funksionojë mëngjesin e të premtes dhe deri mëngjesin e të hënës janë lëshuar 55 mijë certifikata
Pak muaj par fillimit të sezonit turistik, Greqia bëhet një nga vendet e para të Bashkimit Evropian që lëshon një certifikatë vaksinimi kundër Covid 19.
Objektivi është ai i lehtësimit të udhëtimeve, me shpresën që brenda verës një pjesë e konsiderueshme e popullsisë botërore do të jetë e vaksinuar.
Për momentin në Greqi do të përdoret si certifikatë mjekësore, por qeveria greke shpreson se do të përdoret si dokument të paktën në nivel evropian.
Kryeministri Mitsotakis ka dorëzuar kërkesën në Bruksel. Certifikata duhet të përdoret si mjet për të lehtësuar lëvizjet dhe jo për të diskriminuar, këmbëngul Athina. Propozimi përqendrohet më shumë në pikat kufitare, në mënyrë që ata që kalojnë kufirin të lëvizin lirshëm dhe të mos kenë nevojë për karantinë nëse janë vaksinuar, shkruajnë mediat shqiptare, përcjell albinfo.ch.
Mund të ketë dhe një korsi të veçantë brenda aeroporteve nëse dikush është i vaksinuar, që do të jetë e ndryshme nga ajo e personave që nuk janë vaksinuar.
Sistemi ka nisur të funksionojë mëngjesin e të premtes dhe deri mëngjesin e të hënës janë lëshuar 55 mijë certifikata.
Kjo e fundit merret vetëm pas dozës së dytë të vaksinës.
Qeveria greke beson se për sa i përket kalimit të kufijve, ka shumë optimizëm për aplikimin e këtij plani, pasi në rast të kundërt situata do të ishte absurde: dhe personat e vaksinuar do të duhej t’i nënshtroheshin testit ose karantinimit.
Certifikata greke ka ngjallur interesin e vendeve të tjera anëtare dhe në të ardhmen do të mundësohen marrëveshje dypalëshe në lidhje me këtë çështje.
Të ngjashme
Të tjera nga Koronavirusi: çast pas çasti
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?