Ekspozita
Shqipëri: Festivali Ndërkombëtar i Akuarelit, dy ekspozita në Muzeun Kombëtar
Në Muzeun Historik Kombëtar tani më janë dy ekspozita fantastike të kuruara nga piktori i njohur Helidon Doni Haliti dhe shoqata VIZart, përcjell abinfo.ch.
Festivali Ndërkombëtar i Akuarelit në edicionin e tretë erdhi me dy ekspozita të artistëve të njohur në Muzeun Historik Kombëtar.
Artistë nga Shqipëria dhe vende të ndryshme të botës si, India, Italia, Kina, Turqia, Uruguai, Koreja e Jugut, Kosova etj, prezantohen në ekspozitën e akuarelit me punimet më të mira.
Duhet theksuar se ndryshe nga edicionet e kaluara, këtë vit festivali sjell edhe ekspozitën e vizatimit shqiptar “Para & Pas ’90”, me punë nga artistë të njohur, duke bërë bashkë rreth 100 vepra.
Festivali nën kurimin e piktorit të mirënjohur Helidon Haliti bëri bashkë emrat më në zë të artit pamor në Shqipëri. Në fjalën e tij kuratori Helidon Haliti u shpreh për ekspozitën e vizatimit, duke vënë theksin në veçantinë e saj pasi përfshin një numër të konsiderueshëm artistësh, ku përfaqësohet thuajse e gjithë shkolla shqiptare e artit pamor, duke paraqitur një tematikë frymëzuese nga shumë artistë, me përfaqësimin e 53 mjeshtërve të artit figurativ shqiptar.
Në fjalën e tij drejtori i Muzeut Historik Kombëtar, dr. Dorian Koçi, u shpreh se Muzeu Historik Kombëtar e ka mbështetur prej vitesh Festivalin Ndërkombëtar të Akuarelit.
“Eventi vjen në vazhdën e kësaj tradite tashmë në një partneritet prej 5 vjetësh”, tha Koçi, që shprehu një kënaqësi të veçantë, pasi muzeu ka mirëpritur veprat e autorëve më të mirë shqiptarë, ku na jepet mundësia të shikojmë një itinerar në kohë dhe hapësirë, një udhëtim të mjeshtërve të vizatimit, që është një prej arteve tona më të fuqishme për të cilën këta artistë na kanë bërë krenarë për një kohë të gjatë. /Albinfo.ch
Të ngjashme
Të tjera nga Ekspozita
E-Diaspora
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave Asamblistët në fjalë janë: Flurin Capaul (FDP), Pascal Lamprecht (SP), Përparim Avdili (FDP), Reis Luzhnica (SP)...
-
Blick: Shaqiri dëshmon sërish pse Zvicra nuk mundet pa të
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
Jeta në Zvicër
-
Iniciativat zvicerane synojnë t’i japin fund diskriminimit të çifteve të martuara Partia qendrore e Zvicrës ka dorëzuar nënshkrimet për dy nisma që synojnë "arritjen e drejtësisë për...
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar
-
Zvicër: Delegacioni i financave kritikon krijimin e sekretariateve të reja shtetërore
-
Cyrihu kërkon të ndryshojë tarifat për procesin e nënshtetësisë zvicerane