Shqipëria
Shqipëri: Hiqen 1292 çadra dhe 2584 shezlongë në zonat bregdetare
Vetëm sot janë hequr 490 çadra dhe 980 shezlongë.
Në zonat bregdetare të Shqipërisë vijon operacioni “Bregdeti ynë”, për lirimin e hapësirave të zaptuara në mënyrë të kundërligjshme me shezlongë e çadra.
Policia e Shtetit bën të ditur se “në Kune, Shëngjin deri në këto momente janë kontrolluar 16 subjekte, të cilat ishin të pajisura me leje dhe nuk janë konstatuar shkelje”.
Sipas policisë, një ditë më parë janë kontrolluar 36 parcela, të cilat ishin të pajisura me lejen përkatëse, ndërkohë operacioni vijon pa probleme, transmeton Atsh, përcjell Albinfo.ch.
Ndërsa në Golem dhe Spille, Kavajë si rezultat i kontrolleve janë evidentuar 16 parcela pa leje, 4 prej tyre në plazhe publike dhe 12 për mosplotësim dokumentacioni. Janë hequr 490 çadra dhe 980 shezlongë.
Një ditë më parë janë kontrolluar 101 parcela dhe janë liruar 28 parcela, duke hequr 802 çadra dhe 1604 shezlongë.
Në Pogradec prej mëngjesit të sotëm ka nisur kontrollet dhe verifikimet në territorin e plazhit në Pogradec, ku deri tani janë kontrolluar 18 subjekte, të cilat ishin të pajisura me lejen përkatëse dhe nuk janë evidentuar shkelje.
Në zbatim të planit operacional të hartuar nga Drejtoria e Përgjithshme e Policisë së Shtetit “Për kontrollin e vijës bregdetare në drejtim të zaptimit të vijës bregdetare nga subjekte apo persona të cilët nuk janë konfirmuar nga e-Albania”, Taskforca e veçantë në përbërje të së cilës ka 2 grupe FNSH, 2 grupe të Forcës së Posaçme “Shqiponja”, shërbime të Komisariateve të Policisë Kavajë, Pogradec dhe Lezhë dhe të Policive Bashkiake po vijojnë kontrollet dhe verifikimet në territoret e plazheve.
E-Diaspora
-
Puna në qiell të jep ndjenjën e paqes “Nuk ka asgjë më mirë se të mund të punoj në qiell. Kur kam kohë dhe...
-
Hapet në Toronto Java e Kulturës së Kosovës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Paraqitet si kroat, me pasaportë false – burgoset muratori nga Kosova
-
Ka shantazhuar një të burgosur: 8 muaj shtesë për kosovarin e dënuar me 16.5 vjet burgim
Jeta në Zvicër
-
Zvicër: Lajmet kryesore të ditës së hënë Shtytje e përbashkët që Zvicra të njohë gjininë e tretë; disa ilaçe janë vendosur të bëhen...
-
Çiklizmi në tren: Rezervimi i vendit nuk e zgjidh mungesën e hapësirës
-
Katër të vdekur në Alpet zvicerane gjatë fundjavës
-
Cyrih: Zhvillohet seminari “Institucionalizimi i mësimit plotësues të gjuhës shqipe në diasporë – Zvicër”
-
Valais: Dy turistë vdesin si pasojë e një orteku, i treti mbijetoi