Shqipëria

Shqipëri: Mbi 13 mijë të huaj, prijnë iranianët

E mërkurë, 22 Dhjetor 2021 - 19:05 albinfo.ch

KEYSTONE/EPA/Malton Dibra

Shtetasit italianë, turq dhe iranianë përbëjnë numrin më madh të të huajve me leje qëndrimi në Shqipëri gjatë vitit 2020.

Edhe pse një vit pandemik, të dhënat nga Instituti i Statistikave tregojnë se numri i të huajve në Shqipëri u rrit me 0.8% krahasuar më 2019.

Dhe, nga totali prej 13 600 personash, rreth 2600 ishin nga Irani, 2067 nga Italia dhe afro 1600 nga Turqia.

Arsyeja kryesore e lejeve të qëndrimit të të huajve në Shqipëri është punësimi, që zë 47,5%, e ndjekur nga arsyet për bashkim familjar me 24%, e me tej për qëllime humanitare apo studime. Edhe të dhënat nga Departamenti për kufirin dhe migracionin tregojnë një rritje të numrit të të huajve të parregullt në territorin e Shqipërisë gjatë vitit 2020.

Pa dokumentacionin e nevojshëm u identifikuan 18.835 persona, gati 7000 me shumë sesa më 2019. Sa i përket vendit të origjinës, kryeson Siria me 6.224 persona, e ndjekur nga Afganistani, Maroku dhe Iraku. 5.793 të huaj të parregullt përsëritës./Tv Klan