Shqiperia
Viktimat e para nga zjarret në Shqipëri dhe Kosovë
Banorët po përballen me tmerrin e flakëve në Lunxhëri të Gjirokastrës, ndërsa është gjetur i djegur një burrë 64 vjeç, përcjell albinfo.ch.
Ai së bashku me bashkëshorten, e cila është dërguar në spital në gjendje të rëndë, po përpiqeshin të shuanin flakët në shtëpi.
Fshatrat Asim Zeneli, Arshi Lengo dhe Krina në Njësinë Administrative Lunxhëri – Antigonë po përballen me flakët.
Forcat e ushtrisë dhe banorët po përdorin çdo mjet të mundshëm për t’i shuar, ndërsa një helikopter është parë duke hedhur ujë, pritet që situata të normalizohet.
Në vendngjarje po punojnë strukturat e mbrojtjes civile dhe Forcat e Armatosura, të cilët kanë bashkëpunuar me banorët me mjete rrethanore, si me kova uji.
Ministri i Mbrojtjes, Niko Peleshi, bën thirrje për bashkëpunim mes banorëve në zonat e prekura nga flakët.
“U bëjmë thirrje banorëve të jenë bashkëpunues me strukturat shtetërore për të zbatuar urdhrin e evakuimit”, tha ministri.
Nga ana tjetër, një person ka vdekur në fshatin Novosellë të Malishevës.
Vdekja dyshohet të ketë ardhur nga ajri i tymosur, pasi që viktima kishte shkuar te stalla, e cila ishte përfshirë nga zjarri.
“Viktima mashkull kosovar është sjellë pa shenja jete në QKMF. Vdekjen e tij e ka konstatuar ekipi mjekësor. Si pasojë e kësaj vdekjeje dyshohet të jetë ajri i tymosur, pasi që viktima kishte shkuar tek stalla, e cila ishte përfshirë nga zjarri”, thuhet në raportin 24 orësh të policisë.
Tutje në këtë raport thuhet se me vendim të prokurorit, trupi i pajetë i viktimës është dërguar në IM për obduksion.
Të ngjashme
Të tjera nga Shqiperia
E-Diaspora
-
Nesër është dita e fundit e regjistrimit të diasporës Nesër, afati i fundit për t’u regjistruar diaspora...
-
Romë
Një kompani e drejtuar nga shqiptari, shpallet kompania më e suksesshme në Itali
-
Itali
Irma Kurti vlerësohet me “Çmimin e Kulturës” në Itali
-
Pianistja e njohur kosovare, Lule Elezi, mban koncert recital në vendlindjen e Shopenit
-
Kush është gruaja që ju flet shqip kur fluturoni me CHAIR?
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit