Kosova
Shqipëri: Shënon rënie importi i automjeteve nga jashtë
Importi i automjeteve nga jashtë u përgjysmua në katër muajt e parë të vitit, duke shënuar një nga rëniet më të forta në terma vjetorë. Të dhënat zyrtare nga Drejtoria e Përgjithshme e Doganave tregojnë se për periudhën janar-prill të këtij viti u importuan vetëm 8900 automjete në total, nga 16 mijë që ishte shifra për të njëjtën periudhë të vitit të kaluar.
Statistikat tregojnë se pjesa më e madhe e rënies ka ardhur nga automjetet e përdorura. Në fund të vitit të kaluar, qeveria miratoi një vendim, i cili ndaloi importin e makinave me moshë mbi 10 vjet.
Vendimi, i cili qëndroi në fuqi për vetëm dy muaj, deri në fund të shkurtit, duket se është arsyeja kryesore pse shqiptarët kanë blerë më pak makina këtë vit. Por, jo e vetmja.
Të dhënat zyrtare tregojnë se paralelisht me mjetet e përdorura, ka rënë edhe importi i automjeteve të reja. Sipas doganave në janar-prill të këtij viti, Shqipëria importoi vetëm 789 makina të reja, ose 20 për qind më pak se sa e njëjta periudhë e vitit të kaluar, shkruan tch, përcjell albinfo.ch.
Shitjet e automjeteve, veçanërisht atyre të reja, janë një tregues i rëndësishëm për gjendjen e ekonomisë, pasi lidhen drejtpërdrejt me besimin e konsumatorit. Arsyeja është e thjeshtë. Familjet shpenzojnë më shumë para për makina kur janë në një situatë të favorshme financiare dhe ulin blerjet kur përballen me rënien e të ardhurave apo kanë pritshmëri negative për të ardhmen.
Të ngjashme
Të tjera nga Kosova
E-Diaspora
-
Më 7 prill, edicioni i tretë i panairit të librit shqip në SHBA Në datën 7 prill 2024, Shoqata e Shkrimtarëve Shqiptaro-Amerikanë do të hapë edicionin e tretë...
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Pesë Asamblistë të Cyrihut kërkojnë nga komuna t`i dhurojë Prishtinës kamionë për mbledhje e mbeturinave
-
Blick: Shaqiri dëshmon sërish pse Zvicra nuk mundet pa të
Jeta në Zvicër
-
Trafiku i dendur edhe sot, bllokohen autostradat zvicerane Ngarkesat në komunikacion vazhdojnë edhe të premten në Zvicër gjatë festave të Pashkëve, përcjell albinfo.ch. Bllokimi...
-
‘Vallja kosovare’ jehon në Universitetin e Gjenevës (Video)
-
Iniciativat zvicerane synojnë t’i japin fund diskriminimit të çifteve të martuara
-
Ortekët kanë mbytur 14 persona në Zvicër këtë dimër
-
Drejtori i Përgjithshëm i UBS-së, Sergio Ermotti, fitoi 14.4 milionë franga vitin e kaluar