Shqipëri-Zvicër-OSBE, marrëveshje për të asistuar Parlamentin e Shqipërisë

Qeveria e Shqipërisë ka nënshkruar një marrëveshje për zbatimin e programit mbështetës për Parlamentin dhe për përfshirjen e qytetarëve në vendimmarrje. Marrëveshja është nënshkruar mes Shqipërisë, Zvicrës dhe OSBE-së dhe do të sigurojë punë të përbashkët për përmirësimin e funksioneve të Parlamentit. Ambasadori zviceran në Shqipëri, Adrian Maitre, ka thënë se kjo marrëveshje ndihmon ndërtimin e institucioneve demokratike. Ai ka thënë se projekti synon të zhvillojë Parlamentin për ta kthyer në një institucion me performancë më të mirë. Ministrja e Shqipërisë për Marrëdhëniet me Parlamentin, Elisa Spiropali, deklaroi se është kënaqësi për të që është arritur kjo marrëveshje.
Spiropali ka falënderuar Ambasadën e Zvicrës për kontributin e dhënë dhe OSBE për mbështetjen e vazhdueshme.
Ambasadori Bernd Borchardt theksoi se marrëveshja do të ketë si fokus një administratë parlamentare më efiçiente dhe më efektive.