Shqipëria
Shqipëria, e fundit për nga remitencat në rajon
Sipas të dhënave të BB, Shqipëria shënoi hyrjet më të ulëta në rajon, në raport me PBB
Remitencat e dërguara nga punëtorët që jetojnë jashtë, drejt familjeve të tyre në atdhe, është bërë pjesë kritike e shumë ekonomive në mbarë botën.
Bazuar në të dhënat më të fundit të Bankës Botërore, remitencat do të rriten në vitet e ardhshme. Dërgesat e regjistruara zyrtarisht regjistruan një rekord prej 529 miliardë dollarësh në vitin 2018 dhe janë në rrugën e duhur për të arritur 550 miliardë dollarë në 2019.
Sipas të dhënave të BB, Shqipëria shënoi hyrjet më të ulëta në rajon, në raport me PBB. Sipas raportit të BB, remitencat zyrtare të ardhura në Shqipëria më 2018 përllogariten 9.6 % të PBB, ndërsa në vende si Bosnjë e Hercegovina ishin 11 % e PBB, Mali i Zi 11.4 e PBB, Kosovë sa 15.8 % e PBB-së, transmeton Monitor.
Këto para, sipas raportit, janë në nivele të ngjashme me investimet e huaja direkte (FDI), por në botë, nëse përjashtohen Kina, ato janë burimi më i madh i të ardhurave në valutë të huaj në vendet me të ardhura të ulëta dhe të mesme, sipas Raportit të Migracionit dhe Remitencave të BB. Me fjalë të tjera, nëse Kina është e përjashtuar nga analiza, remitencat tashmë kanë tejkaluar IHD-të si burimin më të madh të financimit të jashtëm.
Sot, remitencat janë të barabarta ose tejkalojnë 25% të PBB-së në pesë shtete: Tonga, Republika e Kirgistanit, Taxhikistani, Haiti dhe Nepali.
Remitencat janë një ‘litar shpëtimi’ për vendet me të ardhura të ulëta dhe të mesme dhe një mënyrë efektive për të lehtësuar varfërinë sepse ato shkojnë drejtpërdrejtë te familjet. Por përfitimet e dërgesave të emigrantëve zvogëlohen nga kostoja përgjithësisht e lartë e dërgimit të parave, që mesatarisht arrin 7% në një transferim parash prej 200 dollarësh. Bankat ishin kanali më i kushtueshëm për transferimin e remitencave, në 10.9%. Në Afrikën Sub-Sahariane kostoja e dërgimit të parave është më e lartë se mesatarja në 9.3%, përcjell albinfo.ch.
BB thekson se, një mënyrë tjetër për të maksimizuar fuqinë e remitencave është të inkurajojë punëtorët migrantë për të investuar në vendet e tyre në një mënyrë më formale, si për shembull nëpërmjet një lidhjeje të diasporës. Bonoja e diasporës mund të jetë një mjet për të bërë remitencat më produktive dhe janë “perfekte për financimin e zhvillimit”.
Faktorët që nxisin remitencat:
Faktorët kryesorë që nxisin remitancat lidhen drejtëpërdrejt me emigracionin:
– Boshllëqet e të ardhurave – Të ardhurat mesatare për banor në një vend me të ardhura të larta janë 43,000 dollarë, kundrejt 795 dollarë në një vend me të ardhura të ulëta – një raport 54-1.
– Pabarazitë demografike – Mes viteve 2018 dhe 2030, popullsia në moshë pune do të rritet në 552 milionë në vendet me të ardhura të ulëta dhe të mesme. Në vendet me të ardhura të larta, popullsia në moshë pune do të ulet me 40 milionë njerëz.
– Ndryshimi i klimës – Rreth 143 milion njerëz tashmë janë zhvendosur, nga ndryshimet klimatike brenda vendeve të tyre.
– Brishtësia, konflikti dhe dhuna – Një rekord 70.8 milionë njerëz u zhvendosën ‘me forcë’ në 2018, duke përfshirë 25.9 milion refugjatë që kërkonin strehim në vende të tjera.
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
Jeta në Zvicër
-
Zvicër: Dy trena janë bllokuar në tunelin midis dy stacioneve Të mërkurën në mëngjes pati një ndërprerje në trafikun hekurudhor midis Cyrih-Hardbrücke dhe Cyrih-Oerlikon....
-
Zvicër: Ndërrimi i motit shqetëson bletarët
-
Bankat zvicerane kërkojnë më pak staf
-
Thun dëshiron të ulë taksat
-
Tonelata naftë derdhen në liqenin e Zug-ut