Shqipëria
Shqipëria merr letrën e Presidencës spanjolle: 2030-a, afati për hyrje në BE
![](https://www.albinfo.ch/wp-content/uploads/2020/02/bashkimi-evropian-587x391.jpg)
Shqipëria ka marrë letrën e Presidencës spanjolle të Bashkimit Evropian, me kërkesën për paraqitjen e urdhërrëfyesve për kapitullin e parë të procesit të bisedimit për anëtarësim, letër që është miratuar nga Këshilli i përfaqësuesve të përhershëm në Bashkimin Evropian, shkruan TCH.
Kjo letër u miratua pas një peripecie diplomatike të Gjermanisë dhe Presidencës spanjolle të BE-së për të bindur Greqinë që të mos bëhej pengesë, ndërsa Shqipëria kishte përmbyllur me sukses procesin “skrining” pas shumë muajsh bisedimesh mes grupeve të ekspertëve.
Teksa përgatitej hapi i dytë për nisjen e bisedimeve të anëtarësimit, Greqia lajmëroi se do bllokonte procesin për shkak të pakënaqësisë me të cilën po trajtohej çështja e Fredi Belerit dhe fati i kryebashkiakut të zgjedhur të Himarës u vendos si kusht grek për Shqipërinë, përcjell albinfo.ch.
Pas presionit diplomatik të Gjermanisë, Athina u tërhoq, duke e cilësuar dhënien e letrës si procedurë dhe se do trajtonte Belerin si kusht në vazhdim, ngërçi tani u kalua dhe bisedimet për anëtarësim të Shqipërisë në BE nisin së shpejti me shqyrtimin e dy temave thelbësore.
E para është çështja e sundimit të ligjit, ku Shqipërisë i duhet të japë llogari për shumë çështje dhe këtu Athina mund të gjejë argumentin për të vendosur kushtet, teksa çështja e dytë është reforma në administratë.
Ndryshe, procesi i bisedimeve pritet të jetë i gjatë për disa vjet, por përfundon me anëtarësimin final dhe drejtuesit politikë të Bashkimit Evropian vendosin si afat vitin 2030, kur Shqipëria mund të hyjë në Bashkimin Europian.
E-Diaspora
-
Mërgimtarët janë duke pritur deri në 2 orë në pikën Dheu i Bardhë Fluks i mërgimtarëve drejt Kosovës ...
-
Mërgimtarja e denoncon burrin për dhunë, e sulmoi pasi vendosi të shkojë në pushime me fëmijë
-
Besmir Hoxha, profesionist në fushën e energjisë në SHBA
-
Vazhdojnë ardhjet e mërgimtarëve, pritje në Merdar
-
Pritje të gjata në disa pikëkalime kufitare Kosovë-Serbi
Jeta në Zvicër
-
Zvicra nis një fushatë ndërgjegjësimi për përdorimin e dronëve Në Zvicër, dhjetëra mijëra njerëz zotërojnë drone. Por përdorimi i këtyre pajisjeve të drejtuara kërkon të...
-
Pse dështuan iniciativat për uljen e kostove shëndetësore në Zvicër?
-
Rrezik zjarri në pyje në kantonin e Valais-it
-
7 kilometra kolona përpara Gotthard-it
-
Roche – kompania më e vlefshme zvicerane, mposht Nestlé-n