Shqipëria
Shqipëria promovohet si destinacion ‘Covid Free’
Mënyra e promovimit do të bëhet me anë të panaireve, reklamave dhe rrjeteve sociale
Në mesin e muajit maj, në buxhetin e vitit 2021 të Shqipërisë u miratua një fond shtesë për mbështetjen e turizmit shqiptar dhe promovimin në tregjet ndërkombëtare post Covid-19.
“Ministrisë së Turizmit dhe Mjedisit, në programin ‘Zhvillimi i turizmit’, për Agjencinë Kombëtare të Turizmit, i shtohet fondi prej 100 milionë lekësh”, shkruhej në vendimin e firmosur nga zëvendëskryeministri i Shqipërisë, Erion Braçe, përcjell Albinfo.ch.
Për Albanian Post (AP), zëdhënësja e Ministrisë së Turizmit ka thënë se ky fond “do të jetë kryesisht fond reklamimi” dhe jo përfitimi direkt i bizneseve me fonde.
“Promovimi i Shqipërisë, si një destinacion veror Covid-free”
“Mënyra e promovimit”, shtoi ajo, “do të bëhet me anë të panaireve, reklamave dhe rrjeteve sociale”.
E pyetur se në cilat vende do të reklamohet Shqipëria dhe turizmi i saj, zëdhënësja u përgjigj për AP-në se “kryesoret janë vendet gjermanofolëse”.
Kjo, pasi sipas saj, në këto vende, gjatë viteve, ka munguar promovimi i duhur i Shqipërisë si destinacion turistik. Megjithatë, shtoi zëdhënësja, gjatë kësaj vere “priten turistë nga e gjithë bota”.
Turizmi shqiptar, rënie përgjatë 2020-s
Përgjatë vitit 2020, turizmi shqiptar pësoi rënie. Kjo, si pasojë e masave të marra për të parandaluar përhapjen e pandemisë Covid-19.
Në këtë kohë u ndaluan fluturimet, u mbyllën disa rrugë tokësore, duke qenë se frika ndaj infektimit me coronavirus ishte prezente.
Ka qenë ministri shqiptar i Turizmit, Blendi Klosi, i cili, gjatë një eventi në Prishtinë, “Pusho Shqip”, tha se shqiptarët e Kosovës “(Shqipërinë) e kemi shtëpinë e përbashkët për miliona turistë që vizitojnë anët tona të kufirit. Atëherë kur kishim nevojë për turizëm, ishte Kosova”.
Sezoni veror 2021, me masa të lehtësuara
Sipas qeverisë shqiptare, sezoni veror 2021 parashikohet me masa të lehtësuara. Diçka e tillë do të arrihet me lehtësimin gradual të masave dhe vaksinimin masiv të të gjithë popullsisë.
Lajmin për herë të parë e bëri të ditur kryeministri Edi Rama, i cili tha se “në verë do t’i rikthehemi përsëri jetës tonë të dëshiruar”.
Gjithashtu edhe ministrja e Shëndetësisë, Ogerta Manastirliu, së bashku me ministrin e Turizmit, Blendi Klosi, gjatë një takim me Task-Forcën dhe operatorët turistikë në Golem shprehën njëzëri se sezoni i vitit 2021 do të jetë “Covid-Free”.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll