Shqipëria
Shqiptar bëhesh duke paguar! Si ndryshojnë rregullat për nënshtetësinë
Fëmijët që lindin jashtë Shqipërisë, por që të dy prindërit i kanë shqiptar, e fitojnë nënshtetësinë
Së fundmi qeveria shqiptare ka propozuar një projektligj për mënyrën se si mund të fitohet shtetësia shqiptare. Ky projektligj ka zgjeruar mundësitë e përfitimit të shtetësisë me dy pika të tjera.
Në një intervistë për mediet, zv. ministrja e Brendshme, Rovena Voda, shpjegoi se cilat janë këto dy pika:
“Kemi shtuar origjinën dhe lindjen në territorin shqiptar. Me origjinë kuptojmë që individi duhet të ketë paralindësit e tij deri në tri shkallë me origjinë shqiptare”, tha Voda, përcjell albinfo.ch.
Tashmë, fëmijët që lindin jashtë Shqipërisë, por që të dy prindërit i kanë me shtetësi shqiptare, e fitojnë automatikisht këtë të fundit.
“Fëmijët e kanë më të lehtë të fitojnë shtetësinë, nëse të dy prindërit i kanë me shtetësi shqiptare”, shtoi zëvendësministrja.
Risia në këtë projektligj është që vendi ynë do të japë shtetësi shqiptare edhe për investitorët e huaj, të cilët kundrejt një shume që pritet të jetë e lartë, por që ende nuk është përcaktuar, do të mund të marrin pasaportë shqiptare.
Sipas zv.minsitres Voda, kjo do të bëhet për qëllime ekonomike të vendit tonë, duke shmangur dyshimet që mund të lidhen me aktivitete të jashtëligjshme të atyre që do të marrin shtetësinë shqiptare.
“Do jemi të kujdesshëm. Do të bëjmë kontrollin e investimit dhe do të ruajmë standardet, në mënyrë që të mos kemi dyshime për pastrime parash”, tha ajo.
E-Diaspora
-
Promovohet në Cyrih platforma “Putpuri”, nga Prishtina Të premten, më 5 prill, platforma botuese e pavarur dhe nisma bashkëpunuese ndërmjet Prishtinës dhe Cyrihut,...
-
Më 7 prill, edicioni i tretë i panairit të librit shqip në SHBA
-
‘Vallja kosovare’ jehon në Universitetin e Gjenevës (Video)
-
Iu gjet drogë në shtëpi, arrestohet shqiptari në këtë shtet
-
Në aeroportin e Bazelit anulohet fluturimi për në Prishtinë, mërgimtarët ankohen
Jeta në Zvicër
-
Frangu zviceran po dobësohet kundrejt euros Një vështrim në tremujorin e parë tregon se franga po humbet më shumë kundrejt euros sesa...
-
Bislimi e Jashari nuk pritet të përzgjidhen nga Zvicra për Evropian
-
Ku janë restorantet ‘më të mira’ në Zvicër?
-
Zvicra duhet të forcojë kontrollin e sektorit të saj financiar, paralajmëron FMN
-
Trafiku i dendur edhe sot, bllokohen autostradat zvicerane