Lajme
Shqiptarët e Malit të Zi, në një listë të përbashkët në zgjedhje
Pas Maqedonisë së Veriut, edhe partitë shqiptare në Malin e Zi po bëjnë përpjekje për të dalë me një listë të përbashkët në zgjedhjet parlamentare që do të mbahen më 30 gusht.
Lajmin e ka bërë të ditur kreu i Forcës së Re Demokratike, Nazif Cungu, përmes një njoftimi në faqen e tij në Facebook, ku shkruan se subjektet shqiptare në Malin e Zi kanë vendosur të bashkojnë forcat.
“Alternativa Shqiptare e kryesuar nga Nik Gjeloshaj, Forca e Re Demokratike, e kryesuar nga Nazif Cungu, Lidhja Demokratike Shqiptare e kryesuar nga Nikollë Camaj, Unioni i Tuzit i kryesuar nga Fadil Kajoshaj dhe Lëvizja qytetare Perspektiva, e kryesuar nga Amir Hollaj, duke kuptuar rëndësinë e zgjedhjeve parlamentare të 30 gushtit, kërkesën e qytetarëve, pritjen dhe ftesën e diasporës për bashkim, kanë rënë dakord që në zgjedhjet parlamentare të 30 gushtit të dalin në një listë të përbashkët”, ka shkruar Cungu, përcjell albinfo.ch.
Bashkimi i partive shqiptare, sipas udhëheqësve politikë, do të garantonte më shumë vende në Parlament dhe do t’i bënte ata faktorë të rëndësishëm në Malin e Zi.
Në zgjedhjet e kaluara parlamentare në tetor 2016 pati një rënie të theksuar të përfaqësimit të shqiptarëve në Parlament si pasojë e përçarjes dhe mungesës së unifikimit mes partive politike shqiptare.
Të ngjashme
Të tjera nga Lajme
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?