Kosova
Nuk përjashtohet mundësia që Trump të jetë në takimin e 4 shtatorit
Është bërë e ditur se takimi midis Kosovës dhe Serbisë do të mbahen në Shtëpinë e Bardhë në Uashington të enjten dhe të premten.
Duhet theksuar se lidhur me këto takime ka folur edhe një këshilltar i posaçëm i presidentit të Shteteve të Bashkuara të Amerikës, Donald Trump.
Ai në një konferencë të organizuar virtuale nuk e ka përjashtuar mundësinë që vetë presidenti i SHBA-së, Trump, të jetë prezent edhe fizikisht në takimin midis dy palëve.
“Sa i përket nëse presidenti do të marrë pjesë ose jo fizikisht në këto takime, unë mendoj se kjo ende nuk është përcaktuar. Ai tashmë ka marrë pjesë në aspektin e organizimit dhe në çështjet të cilat u japim përparësi këtyre projekteve ekonomike”, tha ai, përcjell lajmi.net.
Gjithashtu, ai shprehet se palët duhet të jenë në gjendje të përparojnë në mënyrë që SHBA-ja të vazhdojë angazhimin e saj.
Sipas tij, Trump është i përqendruar në zhvillimin ekonomik.
“Në fund të ditës, mendoj se palët duhet të jenë në gjendje të bëjnë përparim në mënyrë që SHBA-ja të vazhdojnë të përdorin këto mekanizma në mënyrë kaq të fuqishme. Dua të them, fakti që ai (Trump) më ka kërkuar ta bëj këtë nga jashtë është vërtet dëshmi e faktit që ne besojmë se një përqëndrim në anën e zhvillimit ekonomik do të prodhonte përparim, por ne ende kemi nevojë për të provuar këtë teori”, tha ai.
I njëjti gjithashtu është shprehur se nuk ka asnjë plan sekret për ndonjë marrëveshje midis Kosovës dhe Serbisë. /Albinfo.ch
Të ngjashme
Të tjera nga Kosova
E-Diaspora
-
Bëhet publike agjenda e Forumit shqiptaro-zviceran në Gjenevë Më 19 prill do të flasin figura më të njohura të ndërmarrsëve shqiptarë te ndërtimit, financave...
-
Nga 1 maji, filmi kosovar-zviceran “The Land within”, në kinematë e Zvicrës
-
Rixhil Agushi, shqiptare nga RMV, zgjidhet kryetare e Parlamentit të qytetit Schlieren
-
Xhaka do të mbetet te Leverkuseni
-
Gjykata Federale “dëbon” kosovarin, edhe pse ka jetuar 28 vjet në Zvicër
Jeta në Zvicër
-
Në cilën prej komunave zvicerane jetohet më mirë? Çiftet me të ardhura të larta pa fëmijë mund të kursejnë 40,000 franga duke kaluar nga...
-
Parlamenti dëshiron të ndalojë simbolet ekstremiste në publik
-
Fedpol: Mafia është e konsoliduar në Zvicër
-
Rritet numri i rasteve me zgjebe në Zvicër
-
Gjeneva nxjerr në ankand targa unike