CH-Ballkani
Shtetet më të varfra në Evropë
Shqipëria rezulton më e varfra në Evropë, me 38% të mesatares së Bashkimit Evropian
Shqipëria ka vazhduar që të jetë më e varfra e Evropës edhe në vitin 2018, sipas të dhënave paraprake të publikuara nga Eurostat për vendet e BE-së dhe shtetet e Ballkanit Perëndimor e Turqinë.
Të ardhurat mesatare të shqiptarëve ishin sa 31% e mesatares së Bashkimit Evropian, me një përmirësim të lehtë nga viti i kaluar, kur ky tregues ishte 30%. Së bashku me Bosnjën, po me 31%, ky është treguesi më i ulët në Evropë (të dhënat e Eurostat nuk përfshijnë Kosovën).
Të ardhurat më të larta në rajon i ka Mali i Zi, me 47% të mesatares evropiane, i ndjekur nga Serbia (40%), Maqedonia e Veriut (38%). Për Turqinë, ky tregues është 65%, transmeton Monitor.
Ndërkohë, Zvicra ka një mestare shumë më të lartë në këtë aspekt apo 157 %, përcjell albinfo.ch.
Konsumi më i ulëti nga të gjithë
Ndonëse shqiptarët kanë të ardhura në nivel të njëjtë me boshnjakët, në treguesin tjetër më të rëndësishëm atë të konsumit aktual individual, që mat mirëqenien e familjarëve dhe shprehet sipas barazisë së fuqisë blerëse, Shqipëria rezulton më e varfra në Evropë, me 38% të mesatares së Bashkimit Evropian. Ky është një tregues që kosto e jetesës në Shqipëri është e lartë në raport me të ardhurat.
Për Bosnjën, konsumi individual për banor është sa 41% e mesatares së BE-së. Në të njëjtin nivel është dhe Maqedonia. Më i larti është sërish në Mal të Zi (57%), i ndjekur nga Serbia (48%).
Bazuar në vlerësimet e para paraprake për vitin 2018, konsumi individual për banor (AIC), shprehur në Standardet e Fuqisë Blerëse (PPS) ndryshonte nga 56% në 132% të mesatares së Bashkimit Evropian (BE) në Shtetet Anëtare.
Dhjetë shtetet anëtare regjistruan AIC për frymë mbi mesataren e BE në 2018. Niveli më i lartë në BE u regjistrua në Luksemburg, 32% mbi mesataren e BE. Gjermania ishte rreth 20% më lart, e ndjekur nga Austria, Danimarka, Mbretëria e Bashkuar, Holanda, Finlanda, Belgjika, Suedia dhe Franca, të cilat kishin nivele të regjistruara mes rreth 5% dhe 15% mbi mesataren e BE.
AIC për banor, për trembëdhjetë shtete anëtare, qëndron mes mesatares së BE dhe 25% më poshtë. Në Itali, Qipro, Irlandë, Spanjë dhe Lituani nivelet ishin 10% ose më pak nën mesataren e BE, ndërsa Çekia, Portugalia dhe Malta ishin midis 10% dhe 20% më poshtë dhe Polonia, Sllovenia, Sllovakia dhe Greqia midis 20% dhe 25% më poshtë.
Gjashtë Shtetet Anëtare regjistruan AIC për banor 25% ose më shumë nën mesataren e BE. Estonia ishte 26% më ulët, Letonia dhe Rumania ishin 30% më ulët, ndërsa Hungaria dhe Kroacia kishin AIC për banor nën 40% më pak se mesatarja e BE-së dhe Bullgaria ishte 44%.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Së shpejti do të mund të merrni 2 litra lëngje me vete në bagazhin e dorës në aeroportin e Cyrihut Falë skanerëve të rinj CT, gjithnjë e më shumë aeroporte në Evropë po heqin rregullore të...
-
Mbi 60 trena shtesë drejt Ticinos gjatë fundjavave në maj
-
Pagat zvicerane rriten, por “u zbehën” nga inflacioni
-
Zvicra do të forcojë sigurinë në qendrat e azilit
-
Sa aktivë janë spiunët kinezë në Zvicër?