Jeta në Gjermani

Si është situata me pandeminë në Gjermani, Zvicër dhe Spanjë?

Instituti gjerman për sëmundje ngjitëse ka njoftuar se gjatë 24 orëve në Gjermani janë shënuar dy të vdekur nga koronavirusi. Në këtë mënyrë, numri i përgjithshëm i viktimave shkoi në mbi 9 mijë.

Qeveria gjermane tashmë i ka larguar kontrollet kufitare me shtetet anëtare të Bashkimit Evropian dhe me disa vende të tjera. Ndonëse është në mesin e shteteve evropiane me numrin më të lartë të personave të infektuar, Gjermania ka regjistruar shumë më pak viktima se Britania e Madhe, Franca, Italia e Spanja, përcjell albinfo.ch.

E në Spanjë autoritetet kanë rifutur në karantinë të paktën 200,000 persona në rajonin e Katalonjës. Rikthimi i izolimit vjen si shkak i numrit në shtim të të sëmurëve me Covid-19. Ky është kufizimi i parë që vendoset në vend që pas heqjes së gjendjes së emergjencës më 21 qershor.

Por pas tri ditësh rritjeje, Zvicra ka shënuar rënie të rasteve me koronavirus. Gjatë 24 orëve te fundit, ky shtet ka shënuar vetëm 97 infeksione të reja.